Investment Planning | आपल्या सर्वांच्या कुटुंबात किंवा आपल्या ओळखीच्या व्यक्तीमध्ये पेन्शनचा लाभ घेणारी सरकारी नोकरीतून निवृत्त व्यक्ती असलीच पाहिजे. प्रत्येकाने भविष्यासाठी बचत केली पाहिजे. सामान्य माणूस एकाच वेळी मोठी रक्कम गोळा करू शकत नाही. पण, आजपासूनच भविष्यासाठी अल्पबचत करून आपण वृद्धापकाळासाठीचा निधी मोजू शकतो. आज आम्ही तुम्हाला सरकारच्या अशा एका योजनेबद्दल सांगणार आहोत, ज्यात दर महिन्याला काही पैसे जमा करून तुम्हाला वृद्धापकाळात पेन्शन मिळू शकते.
तुम्ही रोज 2 रुपये गुंतवल्यास 36 हजार रुपये पेन्शन :
या योजनेअंतर्गत तुम्ही रोज 2 रुपये गुंतवल्यास तुम्हाला 36 हजार रुपये पेन्शन मिळेल. सरकारच्या या योजनेत प्रत्येकजण पैसे गुंतवू शकतो. सरकारची ही योजना असंघटित क्षेत्रात काम करणाऱ्या आणि रेल्वेमार्गांवर छोटे उद्योग करणाऱ्या लोकांसाठी खूप उपयुक्त आहे. मोदी सरकारच्या या खास योजनेचं नाव पंतप्रधान श्रम योगी मन धन योजना असं आहे. या योजनेत छोटे व्यापारी किंवा मजूर केवळ 2 रुपये जमा करून 36 हजार रुपयांपर्यंत पेन्शन जमा करू शकतात.
दरमहा 55 रुपयांचा हप्ता :
जर तुम्ही दररोज फक्त 2 रुपयांची बचत केली तर एका महिन्यात ती 60 रुपये होईल. प्रधानमंत्री श्रम योगी योजनेअंतर्गत तुम्हाला दरमहा 55 रुपयांचा हप्ता जमा करावा लागतो. जर तुमचे वय 18 च्या आसपास असेल तर दररोज 2 रुपयांपेक्षा कमी बचत करून तुम्हाला वार्षिक 36,000 रुपये पेन्शन मिळू शकते. तुमचं वय 30 ते 40 वर्षांदरम्यान असलं तरीही तुम्हीही या योजनेचा लाभ घेऊ शकता. समजा तुम्ही वयाच्या 40 व्या वर्षापासून या योजनेत गुंतवणूक करण्यास सुरुवात केली तर दर महिन्याला तुम्हाला 200 रुपये जमा करावे लागतील. वयाची 60 वर्षे पूर्ण झाल्यानंतर तुम्हाला पेन्शन मिळण्यास सुरुवात होईल. तुम्हाला दरमहा 3000 रुपये म्हणजेच वर्षाला 36 हजार रुपये पेन्शन मिळणार आहे.
कोणती कागदपत्रे असतील :
सरकारच्या या पेन्शन योजनेचा लाभ घेण्यासाठी तुमचं स्वत:चं बँक खातं असणं आवश्यक आहे. प्रधानमंत्री श्रम योगी मानव धन योजनेचा लाभ घेण्यासाठी तुमचे वय १८ वर्षे ते ४० वर्षे असावे.
आवश्यक कागदपत्रे :
* बचत किंवा जनधन बँक खाते पासबुक
* मोबाइल क्रमांक
* आपले आधार कार्ड
नोंदणीची प्रक्रिया काय आहे :
* या योजनेच्या लाभासाठी कॉमन सर्व्हिस सेंटरकडे नोंदणी करावी लागेल.
* सीएसी सेंटरमधून कामगार किंवा छोटे व्यापारी आधार कार्डाने नोंदणी करू शकतात.
* केंद्र सरकारने पंतप्रधान श्रम योगी मन धन योजनेसाठी एक वेब पोर्टल तयार केले आहे.
* सरकारच्या या योजनेची माहिती तुम्ही वेब पोर्टलवरून मिळवू शकता.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
