IPO GMP | आला रे आला स्वस्त IPO आला, पहिल्याच दिवशी लागेल लॉटरी, मोठ्या कमाईची संधी - Marathi News

IPO GMP | सध्या जर तुम्ही IPO मध्ये गुंतवणूक करून मजबूत कमाई करू इच्छित असाल तर ही बातमी तुमच्या फायद्याची आहे. लवकरच सिव्हिल कन्स्ट्रक्शन क्षेत्रात व्यवसाय करणाऱ्या गरुड कन्स्ट्रक्शन अँड इंजिनिअरिंग लिमिटेड कंपनीचा IPO गुंतवणुकीसाठी खुला केला जाणार आहे. हा IPO 8 ऑक्टोबर 2024 ते 10 ऑक्टोबर 2024 दरम्यान गुंतवणुकीसाठी खुला केला जाईल. ही कंपनी आपल्या IPO द्वारे 264.10 कोटी रुपये भांडवल उभारणी करण्याचा प्रयत्न करणार आहे.

IPO तपशील :
गरुड कन्स्ट्रक्शन अँड इंजिनिअरिंग लिमिटेड कंपनी आपल्या IPO अंतर्गत 1.83 कोटी फ्रेश इक्विटी शेअर्स खुल्या बाजारात विकणार आहे. या फ्रेश शेअर्सचे एकूण मुल्य 173.85 कोटी रुपये असेल. याशिवाय कंपनी आपल्या IPO इश्यूमध्ये 95 लाख इक्विटी शेअर्स ऑफर फॉर सेल अंतर्गत विकणार आहे. या शेअर्सचे एकूण मुल्य 90.25 कोटी रुपये असेल. गरुड कन्स्ट्रक्शन अँड इंजिनिअरिंग लिमिटेड कंपनीने आपल्या IPO पैकी 50 टक्के कोटा पात्र संस्थात्मक खरेदीदारांसाठी, 15 टक्के गैर-संस्थात्मक गुंतवणूकदारांसाठी आणि 35 टक्के कोटा किरकोळ गुंतवणूकदारांसाठी राखीव ठेवला आहे.

11 ऑक्टोबर 2024 रोजी शेअर्स वाटप
गरुड कन्स्ट्रक्शन अँड इंजिनिअरिंग लिमिटेड ही कंपनी आपल्या IPO मधून मिळालेल्या निव्वळ फंडपैकी 100 कोटी रुपये खेळत्या भांडवलाच्या गरजा पूर्ण करण्यासाठी खर्च करणार आहे. गरुड कन्स्ट्रक्शन अँड इंजिनिअरिंग कंपनीचे शेअर्स 11 ऑक्टोबर 2024 रोजी वाटप केले जातील. तसेच 15 ऑक्टोबर 2024 रोजी हा स्टॉक BSE आणि NSE इंडेक्सवर सूचीबद्ध केला जाईल. या IPO साठी Corpavis Advisors कंपनीला एकमेव बुक-रनिंग लीड मॅनेजर म्हणून नियुक्त करण्यात आले आहे. तर Link Intime India कंपनीला रजिस्ट्रार म्हणून नियुक्त करण्यात आले आहे.

GMP प्रीमियम तपशील
गरुड कन्स्ट्रक्शन अँड इंजिनिअरिंग लिमिटेड कंपनीने आपल्या IPO स्टॉकची प्राइस बँड 92-95 रुपये निश्चित केली आहे. या IPO मध्ये गुंतवणुकदार एका लॉट अंतर्गत 157 इक्विटी शेअर्स खरेदी करू शकतात. सध्या या कंपनीच्या शेअर्सची ग्रे मार्केट प्रीमियम किंमत शून्य आहे. मात्र GMP हे केवळ एक सूचक निदर्शक आहे, जे केवळ गुंतवणूकदारांना अंदाजे लिस्टिंग किंमतीची कल्पना देत असते.

कंपनीबाबत थोडक्यात माहिती
गरुड कन्स्ट्रक्शन अँड इंजिनिअरिंग लिमिटेड ही नागरी बांधकाम क्षेत्रात व्यवसाय करणारी कंपनी आहे. ही कंपनी निवासी, व्यावसायिक, निवासी सह व्यावसायिक, पायाभूत सुविधा आणि औद्योगिक प्रकल्प आणि पायाभूत सुविधा आणि आदरातिथ्य प्रकल्प निर्मितीमध्ये अतिरिक्त सेवा प्रदान करण्याचा व्यवसाय करते. नागरी बांधकामाव्यतिरिक्त ही कंपनी बांधकाम सेवांचा भाग म्हणून ऑपरेशन्स आणि मेंटेनन्स सेवा आणि यांत्रिक, इलेक्ट्रिकल आणि प्लंबिंग सेवा आणि फिनिशिंग देखील प्रदान करते.

या कंपनीचा महसूल 2022 च्या आर्थिक वर्षात 77 कोटी रुपयेवरून 2024 मध्ये वाढून 154 कोटी रुपये झाला होता. याच काळात कंपनीचा नफा 18.78 कोटी रुपयेवरून वाढून 36 कोटी रुपये झाला होता. एप्रिल 2024 या महिन्यात कंपनीने 11.87 कोटी रुपये महसूल संकलित केला होता. त्यात कंपनीचा नफा 3.50 कोटी रुपये नोंदवला गेला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Latest Marathi News | IPO GMP of Garuda Construction and Engineering Ltd 04 October 2024 Marathi News.