IPO GMP | जीबी लॉजिस्टिक्स कॉमर्स लिमिटेड कंपनीचा आयपीओ २४ जानेवारीपासून गुंतवणुकीसाठी खुला झाला आहे. जीबी लॉजिस्टिक्स कॉमर्स लिमिटेड कंपनी या आयपीओमार्फत २५.०७ कोटी रुपयांचा निधी उभारणार आहे. या आयपीओमार्फत कंपनी २४.५८ लाख नवीन शेअर्स जारी करणार आहे.
जीबी लॉजिस्टिक्स कॉमर्स कंपनी आयपीओ प्राइस बँड
जीबी लॉजिस्टिक्स कॉमर्स लिमिटेड कंपनीने या आयपीओसाठी 95 ते 102 रुपये प्राइस बँड निश्चित केली आहे. रिटेल गुंतवणूकदारांना या आयपीओच्या एका लॉटमध्ये 1200 शेअर्स मिळतील. म्हणजे रिटेल गुंतवणूकदारांना किमान १,२२,४०० रुपये गुंतवणूक करावी लागणार आहे. जीबी लॉजिस्टिक्स कॉमर्स कंपनी आयपीओमध्ये 50% हिस्सा सार्वजनिक ऑफर पात्र संस्थात्मक खरेदीदारांसाठी, 35 टक्के हिस्सा रिटेल गुंतवणूकदारांसाठी आणि उर्वरित 15% बिगर-संस्थात्मक गुंतवणूकदारांसाठी राखीव असेल.
जीबी लॉजिस्टिक्स कंपनीबद्दल
जीबी लॉजिस्टिक्स कॉमर्स लिमिटेड कंपनी लॉजिस्टिक्स क्षेत्रात कार्यरत असलेली कंपनी आहे. जीबी लॉजिस्टिक्स कॉमर्स कंपनी उच्च क्षमतेच्या वाहतुकीसाठी फ्लेक्झिबल नेटवर्क सेवा प्रदान करते. तसेच जीबी लॉजिस्टिक्स कंपनी मोठ्या आणि मध्यम आकाराच्या ग्राहकांना पूर्ण ट्रकलोड मालवाहतूक सेवा देखील प्रदान करते.
कंपनीची आर्थिक स्थिती
आर्थिक वर्ष २०२४ मध्ये जीबी लॉजिस्टिक्स कॉमर्स कंपनीचे एकूण उत्पन्न ११५.६३ कोटी रुपये होते. तर कंपनीचा करोत्तर नफा ४.८६ कोटी रुपये होता. 30 सप्टेंबर 2024 रोजी संपलेल्या कालावधीत जीबी लॉजिस्टिक्स कॉमर्स कंपनीचे एकूण उत्पन्न 50.85 कोटी रुपये होते. तर कंपनीचा करोत्तर नफा 2.53 कोटी रुपये आहे.
जीबी लॉजिस्टिक्स कंपनी आयपीओ जीएमपी
ग्रे-मार्केटसंबंधित तज्ज्ञांनी दिलेल्या अपडेटनुसार, अनलिस्टेड म्हणजे ग्रे-मार्केटमध्ये जीबी लॉजिस्टिक्स कॉमर्स कंपनी आयपीओ शेअरचा जीएमपी 21 रुपये आहे, जो प्राईस बँड पेक्षा 20.5 टक्क्यांनी अधिक आहे. विशेष म्हणजे आयपीओ गुंतवणुकीसाठी खुला होण्यापूर्वीच जीएमपी शून्यावरून २१ रुपयांवर पोहोचला आहे.
जीबी लॉजिस्टिक्स आयपीओ संबंधित तारखा
जीबी लॉजिस्टिक्स कॉमर्स कंपनी आयपीओ २४ जानेवारी ते २८ जानेवारी दरम्यान गुंतवणुकीसाठी खुला असेल. २९ जानेवारी २०२५ रोजी शेअर्स वाटप निश्चित होण्याची शक्यता आहे. जीबी लॉजिस्टिक्स कॉमर्स कंपनी शेअर्स ३० जानेवारी रोजी पात्र गुंतवणूकदारांच्या डीमॅट खात्यात जमा केले जातील. त्यानंतर ३१ जानेवारी रोजी बीएसई एसएमईवर जीबी लॉजिस्टिक्स कॉमर्स कमोदिनी शेअर्स सूचीबद्ध होण्याची शक्यता आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
