IPO Investment | शेअर बाजार तज्ञांच्या मते, तामिळनाडू मर्कंटाइल बँकेचे शेअर्स ग्रे मार्केटमध्ये 25 रुपये प्रीमियम किमतीवर ट्रेड करत आहेत. IPO सबस्क्रिप्शनचा आज शेवटचा दिवस आहे. चला तर मग जाणून घेऊ ह्या शेअर बद्दल खास माहिती
101 वर्षे जुनी खाजगी बँक, तामिळनाड मर्कंटाइल बँकेचा IPO आता गुंतवणूक करण्यासाठी खुला करण्यात आला आहे. 7 सप्टेंबर 2022 रोजी या बँकेच्या IPO साठी गुंतवणूक करण्याचा शेवटचा दिवस आहे. तामिळनाडू मर्कंटाइल बँकेच्या IPO मध्ये सबस्क्रिप्शनच्या दुसऱ्या दिवशी 1.53 पट मधील सबस्क्राइब केले गेले आहे. बँकेच्या IPO मध्ये शेअरची प्रती शेअर किंमत 500 ते 525 रुपये दरम्यान ठरवण्यात आली आहे. तामिळनाडू मर्कंटाइल बँकेचे शेअर्स ग्रे मार्केटमध्ये जबरदस्त प्रीमियम किमतीवर ट्रेड करत आहेत.
शेअर बाजारतील तज्ञ लोकांच्या मते, तामिळनाडू मर्कंटाइल बँकेचे शेअर्स ग्रे मार्केटमध्ये 25 रुपयांच्या प्रीमियम किमतीवर ट्रेडिंग करत आहेत. जर समजा बँकेचे शेअर्स 525 रुपयांच्या वरच्या किंमतीच्या बँडवर वितरीत केले गेले, आणि बुधवारी ग्रे मार्केट प्रीमियममध्ये सूचीबद्ध केले गेले तर बँकेच्या शेअर्सची स्टॉक मार्केटमध्ये एन्ट्री 550 रुपयांच्या किमतीवर होऊ शकते. बँकेचे शेअर्स 15 सप्टेंबर 2022 रोजी (BSE) बॉम्बे स्टॉक एक्सचेंज आणि (NSE) नॅशनल स्टॉक एक्स्चेंजमध्ये लिस्टिंग केले जाऊ शकतात.
तुतीकोरीन मधील खाजगी क्षेत्रातील या बँकेने माहीती दिली आहे की त्यांनी शेअर विक्रीपूर्वी आपल्या गुंतवणूकदारांकडून 363 कोटी रुपये गुंतवणूक उभारली आहे. तामिळनाडू मर्कंटाइल बँक IPO मध्ये 1.58 कोटी इक्विटी शेअर वितरीत करेल. शेअरची किंमत लिस्टिंग बँडवर IPO द्वारे तब्बल 831.6 कोटी रुपये उभारण्याचा प्रयत्न करेल. ब्रोकरेज हाऊस येस बँक सिक्युरिटीजने तामिळनाडू बँकेच्या IPO ला सबस्क्राईब “बाय” (खरेदी) रेटिंग दिले आहे. 1921 साली तामिळनाडू मर्कंटाइल बँक “नादर बँक” नावाने सुरू करण्यात आली होती.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
