IRB Infra Share Price | आयआरबी इन्फ्रा कंपनीने नुकताच आपले जून तिमाहीचे निकाल जाहीर केले आहेत. जून तिमाहीत कंपनीने पाच टक्के वाढीसह 140 कोटी रुपये निव्वळ नफा कमावला आहे. महसुली उत्पन्नात वाढ झाल्यामुळे आयआरबी इन्फ्रा कंपनीच्या नफ्यात वाढ झाली आहे. मागील आर्थिक वर्षाच्या जून तिमाहीत आयआरबी इन्फ्रा कंपनीने 134 कोटी रुपये निव्वळ नफा कमावला होता. ( आयआरबी इन्फ्रा कंपनी अंश )
या तिमाहीत कंपनीचे एकूण उत्पन्न 13 टक्क्यांनी वाढून 1,972 कोटी रुपये नोंदवले गेले आहे. मागील वर्षी याच तिमाहीत कंपनीने 1,745 कोटी रुपये महसूल संकलित केला होता. आज सोमवार दिनांक 12 ऑगस्ट 2024 रोजी आयआरबी इन्फ्रा स्टॉक 0.74 टक्के वाढीसह 62.43 रुपये किमतीवर ट्रेड करत आहे.
आयआरबी इन्फ्रा डेव्हलपर्स लिमिटेड कंपनीचे अध्यक्ष आणि व्यवस्थापकीय संचालक यांनी एका निवेदनात माहिती दिली की, जून तिमाहीत कंपनीने चांगली सुरुवात केली आहे. या तिमाहीत कंपनीचे टोल संकलन 1556 कोटी रुपये नोंदवले गेले आहे. मागील आर्थिक वर्षाच्या याच तिमाहीत कंपनीने 1183 कोटी रुपये टोल महसूल संकलित केला होता. तसेच कंपनीच्या संचालक मंडळाने 2024-25 या आर्थिक वर्षाच्या पहिल्या तिमाहीसाठी प्रति इक्विटी शेअर 10 पैसे अंतरिम लाभांश वाटप करण्याची घोषणा केली आहे. लाभांश वाटप करण्याची रेकॉर्ड तारीख म्हणून कंपनीने 20 ऑगस्ट 2024 हा दिवस निश्चित केला आहे.
मागील आठवड्यात शुक्रवारी आयआरबी इन्फ्रा स्टॉक 2.73 टक्के घसरणीसह 61.98 रुपये किमतीवर ट्रेड करत होता. प्रभुदास लिलाधर फर्मच्या तज्ञांच्या मते, हा स्टॉक पुढील काळात 84 रुपये किमतीवर जाऊ शकतो. तज्ञांनी हा स्टॉक खरेदी करताना 66 रुपये किमतीवर स्टॉपलॉस लावण्याचा सल्ला दिला आहे.
सेंट्रम ब्रोकिंग फर्मच्या तज्ञांच्या मते, आयआरबी इन्फ्रा स्टॉक पुढील काळात 85 रुपये किमतीवर जाऊ शकतो. आयआरबी इन्फ्रा ही कंपनी मुख्यतः महामार्ग विभागात व्यवसाय करणारी भारतातील पहिली इंटिग्रेटेड इन्फ्रास्ट्रक्चर कंपनी आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
