IREDA Share Price | आयआरईडीए कंपनीच्या शेअरमध्ये जबरदस्त उलाढाल पाहायला मिळत आहे. नुकताच आयआरईडीए कंपनीचे शेअर्स 300 रुपये किंमत स्पर्श करून खाली आले आहेत. नोव्हेंबर 2023 मध्ये शेअर बाजारात सूचीबद्ध झाल्यापासून आयआरईडीए कंपनीच्या शेअर्सने आपल्या गुंतवणूकदारांना मजबूत परतावा कमावून दिला आहे. या कंपनीच्या शेअर्सने अवघ्या काही महिन्यात आपल्या गुंतवणूकदारांचे पैसे अनेक पट वाढवले आहेत. ( आयआरईडीए कंपनी अंश )
शुक्रवार दिनांक 12 जुलै 2024 रोजी आयआरईडीए स्टॉक 7.05 टक्क्यांच्या वाढीसह 303.70 रुपये किमतीवर पोहोचले होते. दिवसाअखेर हा स्टॉक 0.11 टक्के वाढीसह 284 रुपये किमतीवर क्लोज झाला होता. शुक्रवारच्या ट्रेडिंग सेशनमध्ये सकाळी आयआरईडीए स्टॉक 4.65 टक्क्यांच्या वाढीसह 297 रुपये किमतीवर ओपन झाला होता. त्यानंतर गुंतवणूकदारांनी मोठ्या प्रमाणात ऑर्डर्स प्लेस करायला सुरुवात केली. आणि काही तासात हा स्टॉक 7 टक्के वाढीसह 300 रुपये किमतीच्या पार गेला होता.
दरम्यान आयआरईडीए कंपनीच्या शेअर्समध्ये 9.40 कोटी इक्विटी शेअर्सचे व्यवहार झाले होते. मागील तीन दिवसांपासून आयआरईडीए कंपनीच्या शेअरची किंमत 25 टक्के वाढली आहे. आयआरईडीए स्टॉक आपल्या 5 दिवस, 20 दिवस, 50 दिवस, 100 दिवस आणि 200 दिवसांच्या सिंपल मुवींग एव्हरेज किंमत पातळीच्या वर ट्रेड करत आहेत. भारत सरकार पुढील काळात अक्षय ऊर्जा क्षेत्रासाठी नवीन उपाययोजना जाहीर करू शकते. त्यामुळे या स्टॉकमध्ये मजबूत वाढीचे संकेत मिळत आहेत. तज्ञांच्या मते, पुढील आठवड्यात देखील आयआरईडीए स्टॉकमध्ये तेजी पाहायला मिळू शकते. हा स्टॉक 300 रुपये किमतीच्या वर टिकला तर शेअरमध्ये आणखी तेजी पाहायला मिळेल, असा अंदाज तज्ञांनी व्यक्त केला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
