IREDA Share Price | आयआरईडीए म्हणजेच Indian Renewable Energy Development Agency या सरकारी कंपनीच्या शेअर्समध्ये तुफान तेजी पाहायला मिळत आहे. नुकताच या कंपनीने आपले जून 2024 तिमाहीचे आर्थिक निकाल जाहीर केले आहेत. त्यामुळे आज या कंपनीच्या शेअर्समध्ये जोरदार खरेदी पाहायला मिळत आहे. एप्रिल ते जून 2024 या कालावधीत आयआरईडीए कंपनीने 383.69 कोटी रुपये निव्वळ नफा कमावला आहे. ( आयआरईडीए कंपनी अंश )
मागील आर्थिक वर्षांच्या जून तिमाहीच्या तुलनेत कंपनीच्या निव्वळ नफ्यात 30.25 टक्के वाढ झाली आहे. कंपनीच्या निव्वळ नफ्यात वाढ होण्याचे मुख्य कारण म्हणजे कंपनीच्या महसुल संकलनात मोठ्या प्रमाणात वाढ नोंदवली आहे. आज सोमवार दिनांक 15 जुलै 2024 रोजी आयआरईडीए स्टॉक 5.26 टक्के वाढीसह 299.22 रुपये किमतीवर ट्रेड करत आहेत.
आयआरईडीए कंपनीने जून तिमाहीत 383.69 कोटी रुपये PAT नोंदवला आहे. मागील वर्षी याच तिमाहीत कंपनीने 294.58 कोटी रुपये PAT नोंदवला होता. जून तिमाही निकाल जाहीर करणारी आयआरईडीए ही कंपनी बँकिंग आणि NBFC क्षेत्रात व्यवसाय करणारी पहिली कंपनी ठरली आहे. जून 2024 तिमाहीत आयआरईडीए कंपनीचा एनपीए 0.95 टक्के नोंदवला गेला आहे.
मागील आर्थिक वर्षाच्या जून तिमाहीत कंपनीचा NPA 1.61 टक्के नोंदवला गेला होता. 30 जून 2024 रोजी आयआरईडीए कंपनीची एकूण संपत्ती 9110.19 कोटी रुपये होती. तर 30 जून 2023 रोजी कंपनीची नेट वर्थ 6290.40 कोटी रुपये होती. याचा अर्थ वार्षिक आधारावर कंपनीच्या नेट वर्थमध्ये 44.83 टक्क्यांनी वाढ नोंदवली गेली आहे.
जून 2024 तिमाहीत आयआरईडीए कंपनीने 1501.71 कोटी रुपये महसूल संकलित केला होता. तर मागील वर्षी याच तिमाहीत कंपनीने 1143.50 कोटी रुपये महसूल संकलित होता. आयआरईडीए कंपनीने जून 2021 तिमाहीत 9210.22 कोटी रुपये कर्ज मंजूर केले आहे. मागील वर्षी या कंपनीने फक्त 1892.45 कोटी रुपये कर्ज मंजूर केले होते. मागील आठवड्यात शुक्रवारी आयआरईडीए कंपनीच्या शेअर्सनी विक्रमी उच्चांक स्पर्श केला होता. तर आज देखील हा स्टॉक तुफान तेजीत वाढत आहे. मागील आठवड्यात शुक्रवारी आयआरईडीए कंपनीचे शेअर्स 304.60 रुपये या इंट्रा-डे उच्चांक किमतीवर पोहचले होते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
