IREDA Share Price | आयआरईडीए म्हणजेच इंडियन रिन्यूएबल एनर्जी डेव्हलपमेंट एजन्सी लिमिटेड कंपनीचे शेअर्स गुरुवारच्या ट्रेडिंग सेशनमध्ये 2.50 टक्क्यांच्या वाढीसह 139.50 रुपये या इंट्रा डे उच्चांक किमतीवर पोहचले होते. या कंपनीच्या शेअर्समध्ये वाढ होण्याचे मुख्य कारण म्हणजे, कंपनीच्या संचालक मंडळाने गुरुवारी पार पडलेल्या बैठकीत आर्थिक वर्ष 2024-25 मध्ये 24,200 कोटी रुपये कर्ज उभारणी करण्याचा प्रस्ताव मंजूर केला आहे. ( इंडियन रिन्यूएबल एनर्जी डेव्हलपमेंट एजन्सी लिमिटेड कंपनी अंश )
या कंपनीचा IPO मागील वर्षी लाँच करण्यात आला होता. आतापर्यंत आयआरईडीए कंपनीचे शेअर्स 32 रुपये या आपल्या IPO इश्यू किमतीच्या तुलनेत 335.94 टक्क्यांनी मजबूत झाले आहेत. गुरूवार दिनांक 28 मार्च 2024 रोजी आयआरईडीए स्टॉक 0.18 टक्के घसरणीसह 135.75 रुपये किमतीवर क्लोज झाला होता.
मागील वर्षी 29 नोव्हेंबर 2023 रोजी आयआरईडीए कंपनीचा IPO गुंतवणुकीसाठी खुला करण्यात आला होता. आता ही सरकारी कंपनी आपला व्यवसाय विस्तार करण्यासाठी कर्ज रोखे, शाश्वत कर्ज साधन, मुदत कर्ज, व्यावसायिक बिल्स आणि बाह्य व्यावसायिक कर्ज या माध्यमातून कर्ज उभारणी करणार आहे. कंपनीच्या संचालक मंडळाने आर्थिक वर्ष 2024-25 मध्ये 24,200 कोटी रुपये कर्ज उभारणी करण्याचा प्रस्ताव मंजुर केला आहे.
आयआरईडीए स्टॉकमध्ये टेक्निकल चार्टवर 130 रुपये किमतीवर मजबूत सपोर्ट पाहायला मिळत आहे. आनंद राठी शेअर्स अँड स्टॉक ब्रोकर्सच्या तज्ञांच्या मते, या स्टॉकमध्ये 145 रुपये किमतीवर प्रतिकार पाहायला मिळत आहे. जर हा स्टॉक 145 रुपये किमतीच्या पार गेला तर, अल्पावधीत शेअर 155 रुपये किमतीवर जाऊ शकतो.
पुढील एका महिन्यासाठी या स्टॉकची ट्रेडिंग रेंज 120 रुपये ते 160 रुपये दरम्यान असेल. रेलिगेअर ब्रोकिंग फर्मच्या तज्ञांच्या मते, टेक्निकल चार्टवर हा स्टॉक घसरणीचे संकेत देत आहे. तज्ञांनी हा स्टॉक 125 रुपये किमतीवर घसरण्याचा अंदाज व्यक्त केला आहे. हा स्टॉक 145 रुपये किमतीवर रेझिस्टन्स देत आहे.
आयआरईडीए ही सरकारी कंपनी केंद्रीय नवीकरणीय ऊर्जा मंत्रालयाच्या प्रशासकीय नियंत्रणाखालील काम करणारी एक मिनीरत्न दर्जा असलेली कंपनी आहे. ही कंपनी मुख्यतः नवीकरणीय ऊर्जा प्रकल्प, उपकरणे तयार करणे आणि विद्युत पारेषण यांसारख्या क्रियाकलापांना आर्थिक सहाय्य प्रदान करण्याचा व्यवसाय करते. ही कंपनी देशात नवीकरणीय ऊर्जा प्रकल्पांना अर्थसहाय्य करणारी सर्वात मोठी संस्था मानली जाते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
