ITR Refund | इन्कम टॅक्स रिटर्न भरण्याची वेळ आता संपली आहे. इन्कम टॅक्स रिटर्न भरण्याची अंतिम मुदत ३१ जुलै होती. अशा परिस्थितीत आता प्राप्तिकर विभागाकडून (आयटी विभाग) रिटर्नची छाननी करण्यात येत असून ज्या करदात्यांचा टीडीएस कापला गेला आहे, त्यांना विभागाकडून परतावा दिला जात आहे. अनेक करदात्यांना रिफंड मिळाला असेल, पण असे करदाते असतील ज्यांना रिफंडऐवजी आयकर खात्याकडून नोटीस मिळाली असेल. जेव्हा उत्पन्न आणि कराची गणिते चुकीच्या पद्धतीने केली जातात तेव्हा असे होते.
विभाग एआयद्वारे छाननी करीत आहे :
यावेळी आर्टिफिशियल इंटेलिजेंसवर आधारित सॉफ्टवेअरच्या माध्यमातून इन्कम टॅक्स डिपार्टमेंट रिटर्न्सची छाननी करत असल्याचं वृत्त आहे. त्याआधारे करदात्याला नोटीस दिली जात आहे. आयकर कायद्याच्या वेगवेगळ्या कलमांमध्ये एकाचवेळी अनेक दावे केले तर नोटीस मिळू शकते. अशा परिस्थितीत करदात्याला आयटीआरची पडताळणी करून त्यात सुधारणा करावी लागते.
सवलतीचा दावा करणाऱ्यांना अधिक नोटिसा :
आयकर कायद्याच्या कलम 80 जी अंतर्गत वेगवेगळ्या खर्चावर कर सूट मिळू शकते. या कलमांतर्गत छोटे व्यावसायिक किंवा सवलतीचा दावा करणाऱ्या करदात्यांना अधिक नोटिसा मिळत आहेत. देणगीचे पैसे, धर्मादाय निधी, मदतनिधी या कार्यक्षेत्रात येतात.
गणितं चुकीची असतील तर :
अशावेळी पगार वर्ग असो की व्यापारी वर्ग, कर आणि उत्पन्न यांची गणितं चुकीची असतील तर तुम्हाला आयकर खात्याकडून नोटीस मिळू शकते. दोषी आढळल्यास कारवाई म्हणून २०० टक्क्यांपर्यंत दंड आकारला जाऊ शकतो.
नोटीस मिळाल्यास काय करावे :
तुम्हालाही आयकर खात्याकडून नोटीस आली असेल तर सर्वात आधी गुंतवणुकीत दाखवलेली कागदपत्रं गोळा करा. या कागदपत्रांच्या आधारे, नोटीस मिळाल्यानंतर 15 दिवसांच्या आत आयटीआर फायलिंगमध्ये सुधारणा करा.
वजावटीची जुळवाजुळव करा :
पगारदार कर्मचारी असतील तर फॉर्म १६ मध्ये दाखविलेल्या वजावटीची जुळवाजुळव करा. तसेच आपल्या आयटीआरमधील सर्व वजावटी फॉर्म २६एएसमध्ये विलीन करा. फॉर्म १६ आणि फॉर्म २६एएसमध्ये टीडीएसची मात्रा सारखीच असावी. फॉर्ममध्ये काही फरक असल्यास, आपल्या कंपनीला ते दुरुस्त करण्यास सांगा.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
