Maan Aluminium Share Price| मान अॅल्युमिनियम कंपनीच्या शेअर धारकांसाठी खुश खबर आहे. मान अॅल्युमिनियम कंपनीच्या विद्यमान पात्र शेअर धारकांना मोफत बोनस शेअर्स मिळणार आहेत. तसेच ही कंपनी आपले शेअर्स स्प्लिट देखील करणार आहे. नुकताच पार पडलेल्या बैठकीत मान अॅल्युमिनियम कंपनीच्या संचालक मंडळाने इक्विटी शेअर्सचे विभाजन करण्याचा निर्णय घेतला आहे.
यासह कंपनीने गुंतवणूकदारांना मोफत बोनस शेअर्स वाटप करण्याची घोषणा केली होती. आज बुधवार दिनांक 26 जुलै 2023 रोजी मान अॅल्युमिनियम कंपनीचे शेअर्स 4.99 टक्के लोअर सर्किटमध्ये अडकून 353.20 रुपये किमतीवर ट्रेड करत आहेत.
बोनस आणि स्टॉक स्प्लिट तपशील :
मान अॅल्युमिनियम कंपनीने आपले शेअर्स 1 : 2 या प्रमाणात विभाजित करण्याचा निर्णय घेतला आहे. यासह कंपनी आपल्या शेअर धारकांना 1 : 1 या प्रमाणात मोफत बोनस शेअर्स वाटप करणार आहे. म्हणजेच प्रत्येक शेअरवर कंपनी एक शेअर मोफत देणार आहे. बोनस शेअर्सची बातमी जाहीर होताच सोमवारच्या ट्रेडिंग सेशनमध्ये मान अॅल्युमिनियम कंपनीचे शेअर्स 5 टक्के वाढीसह 354.05 रुपये किमतीवर पोहोचले होते.
मान अॅल्युमिनियम कंपनीने सेबी फाइलिंगमध्ये माहिती दिली की, कंपनीच्या संचालक मंडळाने 10 रुपये दर्शनी मूल्य असलेल्या 1 इक्विटी शेअरचे 5 रुपये दर्शनी मूल्य असलेल्या 2 इक्विटी शेअर्समध्ये विभाजन करण्याचा निर्णय घेतला आहे. यासह कंपनी आपल्या पात्र शेअर धारकांना प्रत्येक शेअरवर 1 बोनस शेअर मोफत देणार आहे.
रेकॉर्ड तारीख डिटेल :
मान अॅल्युमिनियम कंपनीने दिलेल्या माहितीनुसार, ज्या गुंतवणूकदारांच्या डिमॅट खात्यात रेकॉर्ड तारखेपर्यंत स्टॉक असेल, अशा गुंतवणूकदारांना स्टॉक स्प्लिट आणि बोनस शेअर्सचा फायदा मिळणार आहे. मान अॅल्युमिनियम कंपनीने बोनस शेअर्स आणि स्टॉक स्प्लिटची रेकॉर्ड तारीख म्हणून 27 जुलै 2023 हा दिवस निश्चित केला आहे. मान अॅल्युमिनियम ही कंपनी मुख्यतः ऑटोमोबाईल, ऑटोमेशन, एअर कंडिशनिंग, बांधकाम उद्योगांसाठी विविध उत्पादने बनवण्याचे काम करते. मागील एका वर्षभरात मान अॅल्युमिनियम कंपनीच्या शेअर्सनी आपल्या गुंतवणूकदारांना 171.90 टक्के परतावा मिळवून दिला आहे. तर YTD आधारे या कंपनीच्या शेअरमध्ये तब्बल 108.62 टक्के वाढ पाहायला मिळाली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
