Manoj Vaibhav Jewellers Share Price | मागील एका महिन्यात मनोज वैभव जेम्स अँड ज्वेलर्स कंपनीच्या शेअर्सने आपल्या गुंतवणूकदारांना 19 टक्के नफा कमावून दिला आहे. मागील 3 महिन्यांत या कंपनीच्या शेअरची किंमत 54 टक्के वाढली आहे. 4 ऑक्टोबर रोजी या कंपनीचे शेअर्स 203 रुपये किमतीवर ट्रेड करत होते. या किंमत पातळीवरून हा स्टॉक आता 115 टक्के वाढला आहे. या कंपनीचे एकूण बाजार भांडवल 1620 कोटी रुपये आहे.
14 नोव्हेंबर 2023 रोजी कंपनीच्या संचालक मंडळाची बैठक आयोजित करण्यात आली होती. या बैठकीत संचालकांनी तिमाही निकालांना मंजुरी दिली आहे. आज शुक्रवार दिनांक 17 नोव्हेंबर 2023 रोजी मनोज वैभव जेम्स अँड ज्वेलर्स कंपनीचे शेअर्स 2.34 टक्के वाढीसह 333.05 रुपये किमतीवर क्लोज झाले आहेत.
मनोज वैभव जेम्स अँड ज्वेलर्स कंपनीने चालू आर्थिक वर्षाच्या दुसऱ्या तिमाहीत 619.20 कोटी रुपये ऑपरेशनल महसूल संकलित केला आहे. मागील तिमाहीत या कंपनीने 508.8 कोटी रुपये महसूल संकलित केला होता. मागील आर्थिक वर्षाच्या दुसऱ्या तिमाहीत या कंपनीने 555.8 कोटी रुपये महसूल संकलित केला होता.
मनोज वैभव जेम्स अँड ज्वेलर्स कंपनीने चालू आर्थिक वर्षाच्या दुसऱ्या तिमाहीत 29.7 कोटी रुपये PBT नोंदवला होता, जो मागील तिमाहीत 25.8 कोटी रुपये नोंदवला गेला होता. मागील आर्थिक वर्षाच्या दुसर्‍या तिमाहीत या कंपनीने 27.2 कोटी रुपये PBT नोंदवला होता.
मनोज वैभव जेम्स अँड ज्वेलर्स कंपनीने चालू आर्थिक वर्षाच्या दुसऱ्या तिमाहीत 22.1 कोटी रुपये PAT नोंदवला होता. मागील तिमाहीत या कंपनीचा PAT 19.2 कोटी रुपये होता. तर मागील आर्थिक वर्षाच्या याच तिमाहीत कंपनीने 20.4 कोटी रुपये PAT नोंदवला होता. वैभव ज्वेलर्स कंपनी 2008 पासून आंध्र प्रदेश आणि तेलंगणा राज्यात दागिन्यांच्या किरकोळ विक्रीचा व्यवसाय करत आहे. या कंपनीने प्रीमियम दागिन्यांसाठी खास ब्रँड देखील लॉन्च केला आहे.
मागील आर्थिक वर्षात या कंपनीने आपल्या व्यवसायातून 2027 कोटी रुपये कमाई केली होती. तर वर्षानुवर्ष या कंपनीने आपल्या व्यवसायात 19 टक्क्यांची वाढ नोंदवली आहे. मनोज वैभव जेम्स कंपनीने आंध्र प्रदेश आणि तेलंगणा राज्यात दागिने बाजारपेठेत 4 टक्के वाटा काबीज केला आहे. तर संघटित दागिन्यांच्या बाजारपेठेत कंपनीने 10 टक्के वाटा काबीज केला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
