Multibagger Stock | मागील काही महिन्यापासून जय बालाजी इंडस्ट्रीज कंपनीच्या शेअरमध्ये कमालीची तेजी पाहायला मिळत आहे. एकेकाळी 12 रुपये किमतीवर ट्रेड करणाऱ्या शेअरची किंमत इतकी वाढली, की गुंतवणूकदारांचे 1 लाख रुपये वाढून 28 लाख झाले. हा स्टॉक इथेच थांबला नाही.
मागील सहा महिन्यांत जय बालाजी इंडस्ट्रीज कंपनीच्या शेअरने आपल्या गुंतवणूकदारांना 661 टक्के परतावा कमावून दिला आहे. आज शुक्रवार दिनांक 15 सप्टेंबर 2023 रोजी जय बालाजी इंडस्ट्रीज कंपनीचे शेअर्स 4.99 टक्के वाढीसह 377.60 रुपये किमतीवर ट्रेड करत आहेत.
मागील 5 वर्षात जय बालाजी इंडस्ट्रीज कंपनीच्या शेअरने आपल्या गुंतवणूकदारांचे पैसे 2788 टक्के वाढवले आहेत. अजूनही स्टॉकमध्ये तेजी पाहायला मिळत आहे. आज देखील जय बालाजी इंडस्ट्रीज कंपनीचे शेअर्स 5 टक्के अप्पर सर्किटमध्ये ट्रेड करत आहेत.
या कंपनीच्या शेअरची 52 आठवड्यांची उच्चांक पातळी किंमत 377.50 रुपये आहे. तर नीचांक पातळी किंमत 35.80 रुपये होती. 14 सप्टेंबर 2018 रोजी जय बालाजी इंडस्ट्रीज कंपनीचे शेअर्स 12.45 रुपये किमतीवर ट्रेड करत होते. जानेवारी 2021 हा स्टॉक 20 रुपये किमतीवर पोहचला होता. 7 जुलै 2022 पर्यंत हा स्टॉक 80 रुपये किमतीवर ट्रेड करत होता.
मागील सहा महिन्यात जय बालाजी इंडस्ट्रीज कंपनीच्या शेअरची किंमत 47.25 रुपयेवरून वाढून 377.50 रुपये किमतीवर पोहचली आहे. मागील एका महिन्यात या कंपनीच्या शेअरने आपल्या शेअर धारकांना 62.16 टक्के नफा कमावून दिला आहे.
जय बालाजी इंडस्ट्रीज कंपनी मुख्यतः लोखंड आणि पोलाद उत्पादने बनवण्याचे काम करते. या कंपनीने जून 2023 तिमाहीत जबरदस्त कामगिरी केली आहे. एप्रिल ते जून 2023 या कंपनीने 170 कोटी रुपये PAT नोंदवला होता. मागील वर्षी याच तिमाहीत कंपनीने 21.82 रुपये PAT नोंदवला होता.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
