Multibagger Stock | नर्मदा जिलेटिन्स लिमिटेड या स्मॉलकॅप कंपनीचे शेअर्सवर बुधवारच्या ट्रेडिंग सेशनमध्ये 5 टक्क्यांचा अप्पर सर्किट लागला होता. या कंपनीचे शेअर्स 5 टक्क्यांच्या अप्पर सर्किटवर लागून 513.55 रुपये या आपल्या 52 आठवड्यांच्या उच्चांक पातळी किमतीवर ट्रेड करत होते. मागील पाच दिवसात या कंपनीच्या शेअरची किंमत 33.39 टक्क्यांनी वाढली आहे. नर्मदा जिलेटिन कंपनीने विशेष अंतरिम लाभांश जाहीर करताच शेअर्समध्ये तेजी आली आणि स्टॉक अप्पर सर्किटवर लागला. (Stock Market LIVE, Share Market LIVE, BSE – NSE LIVE, Nifty 50 LIVE, Sensex LIVE, SGX Nifty live, Narmada Gelatines Share Price | Narmada Gelatines Stock Price | BSE 526739)
स्टॉकमध्ये आलेल्या तेजीचे कारण :
विशेष रसायन उत्पादन व्यवसायाशी संबंधित नर्मदा जिलेटिन्स लिमिटेड ही कंपनी आपल्या गुंतवणूकदारांना प्रति शेअर 100 रुपये विशेष लाभांश वाटप करणार आहे. या कंपनीने मागील आठवड्यात स्टॉक एक्सचेंज फाइलिंगमध्ये माहिती दिली आहे की, कंपनीच्या संचालक मंडळाने आपल्या विद्यमान गुंतवणूकदारांसाठी प्रति शेअर 1000 टक्के विशेष अंतरिम लाभांश वाटप करण्याची घोषणा केली आहे. हा विशेष लाभांश 2022-23 या आर्थिक वर्षासाठी देण्यात येणार आहे. कंपनी आपल्या शेअर धारकांना 30 दिवसांच्या आत लाभांश वितरीत करेल. ही बातमी येताच शेअर्समध्ये सातत्याने अप्पर सर्किट लागत आहे.
एका वर्षात दिला 172.37 टक्के परतावा :
नर्मदा जिलेटिन्स लिमिटेडने 2022 या वर्षी YTD आधारे आपल्या गुंतवणुकदारांना 172.37 टक्के परतावा कमावून दिला आहे. या दरम्यान शेअर 188.55 रुपयांवर ट्रेड करत, मात्र त्यात आता वाढ झाली असून शेअरची किंमत 513.55 रुपयांवर गेली आहे. मागील एका वर्षात या कंपनीच्या शेअरची किंमत 191.87 टक्क्यांनी वधारली आहे. मागील नोव्हेंबर महिन्यात या कंपनीच्या शेअरची किंमत 130.45 टक्के मजबूत झाली आहे. अवघ्या एका महिन्यात या कंपनीच्या शेअरची किंमत 222 रुपयांवरून 513.55 रुपयेवर गेली आहे. जुलै-सप्टेंबर 2022 या तिमाहीत कंपनीने 46.38 कोटी रुपये महसूल संकलित केला होता. आणि कंपनीचे मागील तिमाहीत 2.84 कोटी रुपये नफा कमावला होता. भारतीय जिलेटिन बाजारपेठेत ही कंपनी मार्केट लीडर म्हणून व्यापार करत आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
