YES BANK - राणा कपूर यांच्या मुलीला मुंबई विमानतळावरच रोखले

मुंबई : येस बँकेचे संस्थापक राणा कपूर यांच्या संपूर्ण कुटुंबियांविरोधात लुक आऊट नोटीस जारी करण्यात आले आहे. या नोटीसच्या आधारावर राणा कूपर यांची मुलगी रोशनी कपूर यांना लंडनला जाण्यापासून रोखण्यात आले आहे. येस बँक गैरव्यवहार प्रकरणात रोशनी कपूर यांच्यावरही संशयाची टांगती तलवार आहे. त्यांच्या नावाने असलेल्या कंपनीलाही येस बँकेने कर्ज दिले आहे. रविवारी संध्याकाळच्या दरम्यान मुंबई विमानतळावरुन रोशनी या ब्रिटीश एअरवेजच्या विमानाने लंडनला कूच करणार होत्या. मात्र त्यांना रोखण्यात आले असून त्यांना घरी परतावे लागले.

राणा कपूर यांची पत्नी आणि मुलगी रोशनी यांना रविवारी रात्री १० वाजल्यापासून तीन तास चौकशी करण्यात आली. ईडी ऑफिसमध्ये ही चौकशी करण्यात आली. राणा कपूर यांच्यासोबत कुटुंबियांची देखील कसून चौकशी केली. मुलगी रोशनीला मुंबई एअरपोर्टवर रोखण्यात आलं. रोशनी ब्रिटीश एअरवेजमार्फत लंडनला जात होती. तेव्हाच तिला एअरपोर्टवरून ताब्यात घेण्यात आलं.

तत्पूर्वी, मुंबईच्या विशेष हॉलिडे कोर्टाने येस बँकेचे सहसंस्थापक राणा कपूर यांना 11 मार्चपर्यंत प्रवर्तन संचालनालयाकडे कोठडी सुनावली आहे. ईडीने रविवारी पहाटे राणा कपूरला अटक केली. दिवाण हाऊसिंग फायनान्स कॉर्पोरेशन लिमिटेडच्या मनी लॉन्ड्रिंग प्रकरणात त्यांना अटक झाली आणि आज त्यांना न्यायालयात हजर करण्यात आले होते.

News English Summery: A lookout notice has been issued against the entire family of Yes Bank founder Rana Kapoor. Rana Cooper’s daughter Roshni Kapoor has been barred from traveling to London on the basis of this notice. Roshni Kapoor also has a hanging sword in the Yes Bank misconduct case. Yes Bank has given a loan to a company named after them. On Sunday evening, Roshni was traveling from London airport to London via British Airways. But they were stopped and had to return home.

Web News Title: Story YES Bank founder Rana Kapoors daughter Roshni Kapoor stopped from leaving the India at Mumbai Airport.