Multibagger Stocks | आज आपण या लेखात औद्योगिक यंत्रसामग्रीचे उत्पादन करणाऱ्या एका स्मॉल-कॅप कंपनीबद्दल चर्चा करणार आहोत, जिने चालू वर्षांत अप्रतिम प्रदर्शन करून आपल्या गुंतवणूकदारांना कमालीचा नफा कमावून दिला आहे. आपण ज्या कंपनी बद्दल चर्चा करतोय, त्या कंपनीचे नाव आहे, “Atam Valves Limited”. Atam Valves Limited कंपनीच्या शेअर्सनी चालू वर्ष 2022 मध्ये आतापर्यंत 500 टक्क्यांहून अधिक परतावा मिळवून दिला आहे. ही कंपनी आता आपल्या शेअर धारकांना एक मोठी भेट देणार असल्याची बातमी आली आहे. Atam Valves Limited कंपनीच्या विद्यमान गुंतवणूकदारांना 1:1 च्या प्रमाणात बोनस शेअर्स वितरीत केले जाणार आहेत. म्हणजेच आपल्या विद्यमान शेअर धारकांना प्रत्येक 1 शेअरवर 1 बोनस शेअर मोफत देणार आहे.
एका वर्षात दिलेला परतावा :
चालू वर्ष 2022 मध्ये Atam Valves Limited कंपनीने आपल्या शेअर धारकांना आतापर्यंत 530 टक्के चा मल्टीबॅगर परतावा मिळवून दिला आहे. या वर्षाच्या सुरुवातीला 3 जानेवारी 2022 रोजी Atam Valves Limited कंपनीचे शेअर्स 47.50 रुपये किमतीवर ट्रेड करत होते. 10 ऑक्टोबर 2022 रोजी या कंपनीचे शेअर्स बॉम्बे स्टॉक एक्सचेंज/BSE निर्देशाकावर 299 रुपये किमतीवर ट्रेड करत होते. जर तुम्ही या वर्षाच्या सुरुवातीला Atam Valves Limited शेअर्समध्ये 1 लाख रुपये लावले असते, आणि आपली गुंतवणूक होल्ड करून ठेवली असती तर, सध्या तुमच्या गुंतवणुकीचे मूल्य 6.30 लाख रुपये झाले असते.
बोनस शेअर्सची रेकॉर्ड तारीख :
Atam Valves Limited कंपनीने बोनस शेअर्सच्या रेकॉर्ड तारखेत बदल केले आहेत. कंपनीने यापूर्वी 12 ऑक्टोबर 2022 ही बोनस शेअर्सची रेकॉर्ड तारीख म्हणून जाहीर केली होती, त्यात बदल करून आता कंपनीने 24 ऑक्टोबर 2022 ही नवीन सुधारित तारीख जाहीर केली आहे. Atam Valves Limited शेअर्सने मागील 6 महिन्यांत आपल्या शेअर धारकांना 165 टक्के परतावा कमावून दिला आहे. त्याच वेळी, मागील 5 ट्रेडिंग सेशनपासून Atam Valves Limited कंपनीच्या शेअर्समध्ये 16 टक्के वाढ पाहायला मिळाली आहे. या कंपनीच्या शेअर्सची 52 आठवड्यांची उच्चांक पातळी किंमत 370 रुपये आहे. त्याच वेळी, कंपनीच्या शेअर्सची 52 आठवड्यांची नीचांकी पातळी किंमत 37.25 रुपये होती.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
