Multibagger Stocks | मल्टीबॅगर स्मॉलकॅप कंपनी आपले शेअर्स विभाजित करण्याच्या तयारीत आहे. ही कंपनी कलरचिप्स न्यू मीडिया लिमिटेड आहे. कंपनीच्या संचालक मंडळाने शेअर सबडिव्हिजनची शिफारस केली आहे. संचालक मंडळाने ५:१ या प्रमाणात शेअर्स विभाजनाची (Stock Split) शिफारस केली आहे. म्हणजेच शेअर स्प्लिट झाल्यानंतर कंपनीच्या शेअर्सची दर्शनी किंमत प्रति शेअर १० ते २ रुपये असेल. शेअर्सच्या उप-विभाजनाची रेकॉर्ड तारीख कंपनीने अद्याप जाहीर केलेली नाही.
शेअर्सनी 1 महिन्यात 148 टक्क्यांहून अधिक रिटर्न्स :
कलरचिप्स न्यू मीडिया लिमिटेडच्या शेअर्सनी गेल्या एका महिन्यात 148.51% रिटर्न दिला आहे. ३ ऑगस्ट २०२२ रोजी मुंबई शेअर बाजारात (बीएसई) कंपनीचे शेअर्स ५०.५० रुपयांवर होते. २ सप्टेंबर २०२२ रोजी बीएसई वर कंपनीचे शेअर्स १२५.५० रुपयांवर बंद झाले आहेत. जर एखाद्या व्यक्तीने महिनाभरापूर्वी कंपनीच्या शेअर्समध्ये एक लाख रुपयांची गुंतवणूक केली असती आणि आपली गुंतवणूक कायम ठेवली असती, तर सध्या हे पैसे अडीच लाख रुपयांच्या जवळपास असते.
या वर्षी आतापर्यंत शेअर्सची 430 टक्क्यांहून अधिक वाढ :
यंदा आतापर्यंत कलरचिप्स न्यू मीडिया लिमिटेडच्या शेअरमध्ये 438.6 टक्क्यांची वाढ झाली आहे. या वर्षाच्या सुरुवातीला 3 जानेवारी 2022 रोजी बीएसईवर कंपनीचे शेअर्स 23.30 रुपयांवर होते. २ सप्टेंबर २०२२ रोजी बीएसई वर कंपनीचे शेअर्स १२५.५० रुपयांवर बंद झाले आहेत. गेल्या सहा महिन्यांत कलरचिप्स न्यू मीडियाचे शेअर्स 272 टक्क्यांच्या जवळपास वाढले आहेत. कंपनीचे शेअर ३३.७५ रुपयांवरून १२५.५० रुपयांवर पोहोचले आहेत. गेल्या 5 दिवसांत कलरचिप्स न्यू मीडियाचे शेअर्स जवळपास 22 टक्क्यांनी वधारले आहेत.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
