Multibagger Stocks | आरबीएम इन्फ्राकॉन कंपनीचे शेअर्स 4 जानेवारी 2023 रोजी शेअर बाजारात सूचीबद्ध करण्यात आले होते. या कंपनीचा IPO 36 रुपये किमतीवर लाँच करण्यात आला होता. मात्र या कंपनीचे शेअर 52.5 रुपये किमतीवर सूचीबद्ध झाले होते. ( आरबीएम इन्फ्राकॉन कंपनी अंश )
तेव्हापासून आतापर्यंत या कंपनीच्या शेअर्सने आपल्या गुंतवणूकदारांना 1,528 टक्के परतावा कमावून दिला आहे. ज्या लोकांनी या कंपनीच्या IPO मध्ये गुंतवणूक केली होती, त्यांच्या गुंतवणुकीचे मूल्य 17.58 लाख रुपये झाले आहे. आज शुक्रवार दिनांक 12 एप्रिल 2024 रोजी आरबीएम इन्फ्राकॉन कंपनीचे शेअर 5.00 टक्के घसरणीसह 530.20 रुपये किमतीवर ट्रेड करत आहेत.
मंगळवार दिनांक 9 एप्रिल रोजी आरबीएम इन्फ्राकॉन कंपनीचे शेअर्स 4.98 टक्के घसरणीसह 586.25 रुपये किमतीवर ट्रेड करत होते. रेलिगेअर ब्रोकिंग लिमिटेड फर्मच्या मते, आरबीएम इन्फ्राकॉन स्टॉक पुढील काळात 600 रुपये किमतीवर जाऊ शकतो.
मागील काही दिवसापासून या कंपनीचे शेअर्स सातत्याने अप्पर सर्किट हीट करत होते. आज मात्र या कंपनीचे शेअर्स लोअर सर्किटमध्ये अडकले आहेत. 28 फेब्रुवारी 2024 रोजी या कंपनीचे शेअर्स 744 रुपये या आपल्या 52 आठवड्याच्या उच्चांक किंमत पातळीवर ट्रेड करत होते. तर या शेअरची नीचांक किंमत पातळी 50.50 रुपये होती. या नीचांक किंमत पातळीवरून हा स्टॉक तब्बल 867.41 टक्के वाढला आहे.
आरबीएम इन्फ्राकॉन कंपनीला यावर्षी अनेक वर्क ऑर्डर मिळाल्या आहेत. मागील आठवड्यात नायरा एनर्जी कंपनीने आरबीएम इन्फ्राकॉन कंपनीला 22.2 कोटी रुपये मूल्याची ऑर्डर दिली आहे. यासह कंपनीला BN Agritech Ltd कंपनीने 81.75 कोटी रुपये मूल्याची ऑर्डर दिली आहे. याव्यतिरिक्त आरबीएम इन्फ्राकॉन कंपनीला लार्सन अँड टुब्रो लिमिटेड कंपनीने 5.89 कोटी रुपये मूल्याची ऑर्डर दिली होती. तसेच आरबीएम इन्फ्राकॉन कंपनीला मुंद्रा पेट्रोकेम लिमिटेडकडून 9.5 कोटी रुपये मूल्याची ऑर्डर मिळाली आहे.
डिसेंबर 2023 तिमाहीमध्ये आरबीएम इन्फ्राकॉन कंपनीने 33 कोटी रुपये महसूल संकलित केला होता. वार्षिक आधारावर या कंपनीच्या महसूल संकलनात 10.6 टक्के वाढ झाली आहे. डिसेंबर 2023 तिमाहीत या कंपनीने 5 कोटी रुपये निव्वळ नफा कमावला होता.
वार्षिक आधारावर या कंपनीच्या निव्वळ नफ्यात 1,206.4 टक्के वाढ झाली आहे. आरबीएम इन्फ्राकॉन ही कंपनी मुख्यतः तेल आणि वायू शुद्धीकरण, गॅस क्रॅकर प्लांट्स, कोळसा, वायू आणि पाण्यावर आधारित पॉवर प्लांट्स, पेट्रोकेमिकल्स, रसायने, सिमेंट आणि खतांसाठी यांत्रिक आणि रोटरी मशिनरीं संबंधित व्यावसाय करते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
