Muthoot Finance Share Price | ‘मुथूट फायनान्स’ या नॉन बँकिंग फायनान्स कंपनीच्या शेअर्समध्ये सोमवारच्या ट्रेडिंग सेशनमधे जबरदस्त तेजी पाहायला मिळाली होती. मुथूट फायनान्स कंपनीचे शेअर्स कालच्या ट्रेडिंग सेशनमध्ये 7 टक्के वाढीसह 1109.30 रुपये किमतीवर ट्रेड करत होते. शेअरमध्ये ही कमालीची उसळी मार्च 2023 तिमाहीच्या आर्थिक निकालांच्या पार्श्वभूमीवर पाहायला मिळाली आहे.
मुथूट फायनान्स शेअर एनएसई-बीएसई
मुथूट फायनान्स कंपनीच्या शेअरची 52 आठवड्यांची उच्चांक किंमत (Muthoot Finance Share Price NSE) पातळी 1212.75 रुपये होती. तर या कंपनीच्या शेअरची 52 आठवड्यांची नीचांक किंमत पातळी 911.40 रुपये होती. मंगळवार दिनांक 23 मे 2023 रोजी मुथूट फायनान्स कंपनीचे शेअर्स 0.40 टक्के वाढीसह 1,128.70 रुपये किमतीवर (Muthoot Finance Share Price BSE) ट्रेड करत आहेत.
मुथूट फायनान्स कंपनीचा तिमाही निकाल
मार्च 2023 तिमाहीत ‘मुथूट फायनान्स’ कंपनीने 1009 कोटी रुपये निव्वळ नफा कमावला होता. मुथूट फायनान्स कंपनीने जानेवारी-मार्च 2023 तिमाहीत मजबूत कमाई केली आहे. मागील वर्षी याच तिमाही कालावधीत मुथूट फायनान्स कंपनीने 1006 कोटी रुपये नफा कमावला होता. मार्च 2023 तिमाहीत कंपनीने 8.4 टक्के वाढीसह 3274.8 कोटी रुपये महसूल संकलित केला होता. मागील वर्षीच्या याच तिमाहीत कंपनीने 3021.1 कोटी रुपये महसूल संकलित केला होता.
मुथूट फायनान्स कंपनीने आर्थिक वर्ष 2023 च्या चौथ्या तिमाहीत सर्वाधिक तिमाही सोने कर्ज वाटप केले आहे. मार्च 2023 तिमाहीत 51,850 कोटी रुपयेचे सोने कर्ज वाटप केले होते. त्याच वेळी, या कालावधीत कंपनीने 5051 कोटी रुपये सुवर्ण कर्ज वाढ नोंदवली आहे. मुथूट फायनान्स कंपनी AUM एकत्रित कर्ज मालमत्ता 11 टक्के वाढीसह 71,497 कोटी रुपयेवर पोहचली आहे. मागील आर्थिक वर्षात कंपनीची AUM कर्ज मालमत्ता 64,494 कोटी रुपये होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
