Old Salary Account | जर तुमच्या नावावर एकापेक्षा जास्त जुनी बँक खाती चालू असतील, ज्यामध्ये तुम्ही पैशांचे व्यवहार करत नसाल तर तुम्ही सतर्क असायला हवं. तुम्ही असे बँक खाते बंद केलेले बरे. अन्यथा, पैशाचे नुकसान होण्याबरोबरच इतरही अनेक समस्यांना सामोरे जावे लागू शकते.
जुन्या सॅलरी खात्यावर आकारले जाणारे शुल्क :
जर तुम्ही नोकरी बदलली असेल आणि नवीन कंपनीने तुमचे पगार खाते दुसऱ्या बँकेत उघडले असेल तर तुमचे जुने पगार खाते 3 ते 6 महिन्यांत बचत खात्यात रूपांतरित होईल. बचत खात्यात किमान शिल्लक ठेवावी लागेल. खात्यातील किमान शिल्लक ठेवली नाही, तर बँक तुमच्या खात्यातून पैसे वजा करू लागते. खात्यात पैसे नसतील तर तुमचा बॅलन्स निगेटिव्हमध्ये जातो आणि बँकेशी असलेले तुमचे संबंध बिघडू शकतात.
पैशाचे नुकसान होईल :
बहुतेक बँक खात्यांमध्ये सरासरी किमान शिल्लक ठेवणे महत्वाचे आहे. तीन ते चार बँक खाती सांभाळत असाल तर या खात्यांमध्ये किमान बॅलन्स ठेवावा लागतो. अशा परिस्थितीत तुमचे पैसे कमी होतील. हे पैसे एफडी आणि इतर ठिकाणी टाकून तुम्ही अधिक व्याज मिळवू शकता.
आयटीआर फाइल करताना अडचणी :
जर तुम्ही आयकर भरणारे असाल तर तुम्हाला सर्व बँक खात्याची माहिती द्यावी लागेल. यामुळे तुमची समस्या वाढवण्याचे काम होईल. अनेक बँक खाती न बोलता अडचणीची असतात, जी अशी खाती बंद करून टाळता येतात. त्यामुळे वापरात नसलेले खाते लवकरात लवकर बंद करणे शहाणपणाचे ठरते.
फ्रॉडचा धोका कायम राहील :
अनेक खाती असल्याने फसवणुकीचा धोका निर्माण होतो. अनेक दिवसांपासून वापरात नसलेली बँक खाती वापरून गुन्हेगारांनी पैशांचे व्यवहार केल्याची अनेक प्रकरणे समोर आली आहेत. त्यामुळे असा त्रास होऊ नये म्हणून तुम्ही वापरत नसलेलं खातं बंद करावं.
खाते कसे बंद करावे :
अकाऊंट बंद करण्यासाठी ज्या शाखेत तुमचं खातं आहे, त्या शाखेत जाऊन डी-लिंकिंग अकाउंट फॉर्म भरावा लागतो. संयुक्त खाते असेल तर फॉर्मवर सर्व खातेदारांची सही आवश्यक असते. खात्यात पैसे असतील तर दुसरा फॉर्मही भरावा लागेल. यामध्ये तुम्हाला बंद खात्याची रक्कम ज्या खात्यात ट्रान्सफर करायची आहे, त्याची माहिती द्यावी लागेल. एक वर्षापेक्षा जुने खाते बंद करण्यासाठी कोणतेही क्लोजर चार्ज नाही.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
