PPF Balance | इन्कम टॅक्स रिटर्न भरण्याची तारीख जवळ येत आहे. पुढील आर्थिक वर्ष सुरू होताच प्राप्तिकर विवरणपत्र भरण्याची प्रक्रिया सुरू होईल. अशा परिस्थितीत ज्यांचे करपात्र उत्पन्न आहे, त्यांना कर भरावा लागणार आहे. त्याचबरोबर तुम्हाला करसवलत मिळवायची असेल तर काही उपायांनी इन्कम टॅक्समध्ये सूट मिळू शकते. जाणून घेऊया त्याबद्दल.
पीपीएफ – इन्कम टॅक्स सवलती
जर तुमचे उत्पन्न करपात्र असेल आणि तुम्ही जुन्या कर प्रणालीअंतर्गत इन्कम टॅक्स भरणार असाल तर तुम्हाला इन्कम टॅक्सच्या सेक्शन 80 सी अंतर्गत अनेक सवलती मिळू शकतात. यामध्ये तुम्ही गुंतवणुकीच्या माध्यमातून टॅक्स बेनिफिट घेऊ शकता. जर तुम्हाला 80 सी अंतर्गत सूट मिळवायची असेल तर पीपीएफ योजनेत गुंतवणूक करता येईल.
पीपीएफ स्कीममध्ये गुंतवणूक
टॅक्स वाचवण्यासाठी जर तुम्ही पीपीएफ स्कीममध्ये गुंतवणूक केली तर त्याचे अनेक फायदे आहेत. पीपीएफ योजनेत किमान ५०० रुपयांपासून गुंतवणूक सुरू करता येते. या योजनेअंतर्गत एका आर्थिक वर्षात जास्तीत जास्त दीड लाख रुपयांची गुंतवणूक करता येते. तर ८० सी अंतर्गत वर्षाला जास्तीत जास्त दीड लाख रुपयांचा कर वाचवता येतो.
व्याज
पीपीएफ योजना केंद्र सरकारतर्फे चालविली जाते. त्याचबरोबर पीपीएफ योजनेंतर्गत देण्यात येणाऱ्या व्याजदराचा दर तीन महिन्यांनी केंद्र सरकारकडून आढावा घेतला जातो. सध्या पीपीएफ योजनेत चक्रवाढ तत्त्वावर ७.१ टक्के वार्षिक व्याज दिले जात आहे. दुसरीकडे, जर तुम्हाला 2022-23 या आर्थिक वर्षाच्या आयटीआरमध्ये इन्कम टॅक्सचे पैसे वाचवायचे असतील तर तुम्हाला मार्च 2023 मध्ये पीपीएफ योजनेत गुंतवणूक करावी लागेल. तरच २०२२-२३ या आर्थिक वर्षात आयटीआर भरताना पीपीएफला फायदा होईल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
