Quick Money Shares | 2022 हे वर्ष भारतीय शेअर बाजारासाठी बरेच अस्थिर आहे. या पडझडीच्या आणि अस्थिर काळात जिथे एकीकडे जगात आर्थिक मंदी येत आहे, तर दुसरीकडे अनेक कंपन्यांच्या शेअरने आपल्या गुंतवणूकदारांना अप्रतिम परतावा कमावून दिला आहे. चाल तर मग अशा कंपन्यांवर एक नजर टाकू आणि जाणून घेऊ की या शेअर्सनी 2022 मध्ये आपल्या गुंतवणूकदारांना किती परतावा कमावून दिला आहे.
1) हेमांग रिसोर्सेस :
जेव्हा एकीकडे शेअर बाजारात निराशा पसरली होती, तर दुसरीकडे या कंपनीचे शेअर्स आपल्या गुंतवणूकदारांना श्रीमंत बनवत होते. हेमांग रिसोर्सेस कंपनीचे शेअर 3.09 रुपये किमतीवर ट्रेड करत होते, त्यात आता वाढ होऊन स्टॉक 74.71 रुपयेवर पोहचले आहेत. या वर्षी हेमांग रिसोर्सेस कंपनीच्या शेअर्समध्ये 1731 टक्क्यांची वाढ पाहायला मिळाली होती.
2) अलायन्स इंटिग्रेटेड मेटालिक्स :
या कंपनीने देखील आपल्या गुंतवणूकदारांना मजबूत परतावा कमावून दिला आहे. या पोलाद निर्मिती करणाऱ्या कंपनीचे शेअर 2.71 रुपयांवर ट्रेड करत होते, त्यात आता वाढ होऊन स्टॉक 41.90 रुपयांवर ट्रेड करत आहे. म्हणजेच या कंपनीने आपल्या दीर्घकालीन गुंतवणूकदारांना 1448.98 टक्के परतावा कमावून दिला आहे.
3) S & T Corporation :
2022 या वर्षाच्या सुरुवातीला S & T Corporation कंपनीचे शेअर 21.80 रुपये किमतीवर ट्रेड करत होते. आता या कंपनीचे शेअर्स 332.60 रुपये किमतीवर व्यवहार करत आहेत. S & T Corporation कंपनीच्या शेअर्समध्ये एका वर्षात 1425 टक्क्यांची जबरदस्त पाहायला मिळाली आहे.
4) RMC स्विच गियर :
या कंपनीने देखील यावर्षी आपल्या गुंतवणूकदारांचे पैसे अनेक पटींनी वाढवले आहेत. या कंपनीचे शेअर एक वर्षापूर्वी 23.30 रुपये किमतीवर ट्रेड करत होते, जे आता वाढून 288 रुपयावर व्यवहार करत आहेत. या वर्षाच्या सुरुवातीला ज्या गुंतवणूकदारांनी या कंपनीचे शेअर्स खरेदी केले होते, त्यांनी आतापर्यंत 1136 टक्के परतावा कमावला आहे. KBS India, Sejal Glass, IFL Enterprises या कंपनीच्या शेअर्सने ही आपल्या गुंतवणुकदारांना 1000 टक्क्यांहून अधिक परतावा कमावून दिला आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
