Quick Money Stock | कमर्शियल सिन बॅग्स लिमिटेड ही पॅकेजिंग उद्योगात व्यापार करणारी कंपनी आहे. या कंपनीने नुकताच आपल्या शेअर धारकांना 2:1 च्या प्रमाणात मोफत बोनस शेअर्स वाटप करण्याचे जाहीर केले आहे. म्हणजेच विद्यमान गुंतवणूकदारांना प्रत्येक एक शेअरवर 2 बोनस शेअर्स मोफत दिले जातील. एक्स बोनस ट्रेडच्या दुसऱ्या दिवशी म्हणजे मागील आठवड्यातील शुक्रवारी या कंपनीचे शेअर्स 20 टक्के वाढीसह 131.10 रुपये या आपल्या 52 आठवड्यांचा उच्चांक किंमत पातळीवर ट्रेड करत होते.
पाच वर्षांत दिला 761 टक्के परतावा :
कमर्शियल सिन बॅग्स लिमिटेड कंपनीच्या शेअर्सनी मागील पाच वर्षांत आपल्या गुंतवणुकदारांना 761 टक्क्यांहून जास्त नफा मिळवून दिला आहे. 1 डिसेंबर 2017 रोजी या कंपनीचे शेअर्स BSE निर्देशांकावर 15.22 रुपये किमतीवर ट्रेड करत होते. 25 नोव्हेंबर 2022 रोजी कमर्शियल सिन बॅग्ज कंपनीचे शेअर्स 131.10 रुपये किमतीवर ट्रेड करत होते. मागील एका वर्षात या कंपनीच्या शेअर्सची किंमत 46.81 टक्के वाढली आहे. त्याच वेळी या कंपनीच्या शेअर्सची किंमत मागील 6 महिन्यांत 57.82 टक्के अधिक वाढली आहे.
Commercial Syn Bags Limited ही कंपनी मुख्यतः टारपॉलिन, FIBC, विणलेल्या सॅक आणि BOPP पिशव्याचे उत्पादन करते. ही कंपनी 50 वर्षा पासून या व्यवसायात असलेल्या चौधरी ग्रुपचा एक भाग आहे. या कंपनीची व्यावसायिक पिशव्यांची वार्षिक उत्पादन क्षमता 21000MT असून कंपनी वार्षिक 4-5 दशलक्ष पिशव्याची निर्मिती करते.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
