RBI Rule | रिझर्व्ह बँक ऑफ इंडियाने (आरबीआय) ओटीपीशिवाय १५ हजार रुपयांपर्यंतच्या ऑटो डेबिटचा नियम लागू केला आहे. या नव्या नियमानुसार 15 हजार रुपयांपर्यंत पेमेंट केल्यास तुम्हाला व्हेरिफिकेशन किंवा मंजुरीसाठी ओटीपी टाकावा लागणार नाही.
हा मर्यादा नियम १०,००० रुपये होता :
आतापर्यंत हा नियम 10 हजार रुपयांचा होता. या रकमेपेक्षा जास्त रकमेचे ऑटो डेबिट झाल्यास युजरची पडताळणी करण्यासाठी ओटीपी टाकणे बंधनकारक होते. आता ही मर्यादा 5 हजार रुपयांनी वाढवून 15 हजार रुपये केल्यास ज्या युजर्सना जास्त पैसे मोजावे लागणार आहेत, त्यांना मोठा दिलासा मिळणार आहे. यामध्ये डेबिट, क्रेडिट कार्ड किंवा मोबाइल वॉलेट इत्यादीद्वारे पेमेंट करणे समाविष्ट आहे.
एक परिपत्रक जारी :
अलिकडेच आरबीआयने मॉनेटरी पॉलिसीचा आढावा घेतल्यानंतर या नव्या नियमाची माहिती दिली होती. आता आरबीआयने याबाबत एक परिपत्रक जारी केलं आहे.
आरबीआयच्या म्हणण्यानुसार, या सुविधेबद्दल लोकांची आवड वाढली आहे आणि आतापर्यंत या चौकटीअंतर्गत 6.25 कोटींपेक्षा जास्त आदेशांची नोंदणी करण्यात आली आहे, ज्यात 3,400 हून अधिक आंतरराष्ट्रीय व्यापाऱ्यांचा समावेश आहे. या सुविधेअंतर्गत बँकेने पैसे भरण्याच्या दिवसाच्या २४ तास आधी संदेश, ईमेल इत्यादींद्वारे माहिती देणे आवश्यक आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
