Rockingdeals Share Price | रॉकिंगडील्स सर्कुलर या स्मॉल कॅप कंपनीचे शेअर्स लिस्टिंगच्या पहिल्याच दिवशी शेअर धारकांना मालामाल केले आहे. या कंपनीच्या शेअरने स्टॉक मार्केटमध्ये शानदार एन्ट्री केली आहे. रॉकिंगडील्स सर्कुलर कंपनीचे शेअर्स 114.29 टक्के प्रीमियम वाढीससह 300 रुपये किमतीला शेअर बाजारात सूचीबद्ध झाले आहेत.
या कंपनीचे IPO शेअर्स 140 रुपये किमतीवर वाटप करण्यात आले होते. आता लिस्टिंगनंतर गुंतवणूकदारांनी प्रत्येक शेअरवर 160 रुपये नफा कमावला आहे. आज शुक्रवार दिनांक 1 डिसेंबर 2023 रोजी रॉकिंगडील्स सर्कुलर स्टॉक 5.00 टक्के घसरणीसह 299.25 रुपये किमतीवर ट्रेड करत आहे.
रॉकिंगडील्स सर्कुलर कंपनीच्या शेअरने पहिल्याच दिवशी आपल्या गुंतवणूकदारांचे पैसे दुप्पट वाढवले आहेत. शेअर बाजारात स्टॉक लिस्ट झाल्यावर कंपनीचे शेअर्स 5 टक्के वाढीसह 315 रुपये किमतीवर पोहोचले होते. म्हणजेच कंपनीच्या शेअर्समध्ये इश्यू प्राईसच्या तुलनेत 175 रुपयांची वाढ झाली होती.
रॉकिंगडील्स सर्कुलर कंपनीने आपल्या IPO मध्ये शेअरची किंमत बँड 136-140 रुपये निश्चित केली होती. या कंपनीचा IPO 22 नोव्हेंबर 2023 रोजी गुंतवणुकीसाठी खुला करण्यात आला होता. तर IPO ची अंतिम मुदत 24 नोव्हेंबर 2023 रोजी संपली होती. रॉकिंगडील्स सर्कुलर कंपनीचे शेअर्स NSE SME एक्सचेंजवर सूचीबद्ध झाले आहेत.
रॉकिंगडील्स सर्कुलर कंपनीचा IPO 213 पट अधिक सबस्क्राईब झाला होता. या कंपनीच्या IPO मध्ये किरकोळ गुंतवणूकदारांचा राखीव कोटा 201.42 पट अधिक सबस्क्राइब झाला होता. तर गैरसंस्थात्मक गुंतवणूकदारांचा राखीव कोटा 458.60 पट अधिक सबस्क्राईब झाला होता.
क्वालिफाईड इन्स्टिट्यूशनल बायर्सचा राखीव कोटा 47.38 पट अधिक सबस्क्राईब झाला होता. किरकोळ गुंतवणूकदार या कंपनीच्या IPO मध्ये फक्त 1 लॉट खरेदी करू शकत होते. एका लॉटमध्ये कंपनीने फक्त 1000 शेअर्स ठेवले होते. म्हणजेच किरकोळ गुंतवणूकदारांना एक लॉट खरेदी करण्यासाठी 140000 रुपये जमा करावे लागले होते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
