Royal Orchid Hotels Share Price | रॉयल ऑर्किड हॉटेल्स कंपनीचे शेअर अशा काही शेअर्सपैकी एक आहे, ज्यानी मागील एका वर्षात आपल्या गुंतवणूकदारांना 100 टक्के परतावा कमावून दिला आहे. रॉयल ऑर्किड हॉटेल्स कंपनीने नुकताच आपले मार्च तिमाहीचे निकाल जाहीर केले आहेत. तिमाही निकालानंतर या शेअरमध्ये आणखी तेजी पाहायला मिळू शकते, असे तज्ञ म्हणतात.
ब्रोकरेजचा खरेदीचा सल्ला
देशांतर्गत ब्रोकरेज फर्म एडेलवाइजने रॉयल ऑर्किड हॉटेल्स कंपनीचे शेअर्स खरेदी करण्याचा सल्ला दिला आहे. तज्ञांनी या स्टॉकवर 595 रुपये लक्ष किंमत निश्चित केली आहे. ही लक्ष किंमत सध्याच्या बाजार भावापेक्षा 67 टक्के अधिक आहे. शुक्रवार दिनांक 2 जून 2023 रोजी या कंपनीचे शेअर्स 4.97 टक्के वाढीसह 343.45 रुपये किमतीवर क्लोज झाले आहेत.
गुंतवणूकीवर परतावा
गुरुवारी 1 जून रोजी रॉयल ऑर्किड हॉटेल्स कंपनीचे शेअर्स 2.79 टक्के घसरणीसह 329 रुपये किमतीवर क्लोज झाले होते. या वर्षाच्या सुरुवातीपासून रॉयल ऑर्किड हॉटेल्स कंपनीच्या शेअर्समध्ये 25.88 टक्के वाढ पाहायला मिळाली आहे. मागील एका वर्षात तया कंपनीच्या शेअरने आपल्या गुंतवणूकदारांना 134.33 टक्के परतावा दिला आहे.
कंपनीची आर्थिक स्थिती
मार्च 2023 तिमाहीत रॉयल ऑर्किड हॉटेल्स कंपनीचे एकूण उत्पन्न मागील तिमाहीत 83 टक्क्यांनी वाढून 48.67 कोटी रुपये नोंदवले गेले आहे. त्याच वेळी कंपनीचा ऑपरेटिंग नफा 95 टक्क्यांच्या वाढीसह 16.66 कोटी रुपये नोंदवला गेला आहे. मागील तिमाहीत कंपनीचा ऑपरेटींग नफा 8.51 कोटी रुपये नोंदवला गेला होता. रॉयल ऑर्किड हॉटेल्स कंपनीने मार्च तिमाहीत 158 टक्क्यांच्या वाढीसह 7.18 कोटी रुपये नफा कमावला आहे. जो मागील तिमाहीत कंपनीने 2.78 कोटी रुपये नफा कमावला होता.
संपूर्ण आर्थिक वर्ष 2023 साठी एकत्रित आधारावर रॉयल ऑर्किड कंपनीचे एकूण उत्पन्न 79 टक्क्यांच्या वाढीसह 279.69 कोटी रुपये नोंदवले गेले आहे. मागील आर्थिक वर्षात कंपनीच्या निव्वळ नफ्यात 155.93 टक्के वाढ झाली होती. कंपनीचा ऑपरेटिंग नफा म्हणजेच EBIDTA मागील आर्थिक वर्षात 40.35 कोटींवरून वाढून 98.03 कोटी रुपयेवर गेला आहे. FY 2023 Q4 तिमाहीत कंपनीचा निव्वळ नफा 83 टक्क्यांच्या वाढीसह 49.22 कोटी रुपये नोंदवला गेला आहे.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
