RVNL Share Price | रेल विकास निगम लिमिटेड कंपनीच्या शेअर्समध्ये जबरदस्त उलाढाल पाहायला मिळत आहे. नुकताच रेल विकास निगम कंपनीला अभियांत्रिकी, खरेदी आणि बांधकाम संबंधित कामाचे कॉन्ट्रॅक्ट मिळाले आहे. हे कॉन्ट्रॅक्ट तिरुवनंतपुरम मध्य रेल्वे स्थानकाच्या पुनर्विकासाचे आहे. या प्रकल्पाचे एकूण मुल्य 439.95 कोटी रुपये आहे. ( रेल विकास निगम लिमिटेड कंपनी अंश )
या प्रकल्पाची उभारणी संयुक्त उपक्रमात केली जाणार आहे, ज्यात रेल विकास निगम कंपनीचा वाटा 49 टक्के असेल. आणि KRDCL कडे 51 टक्के वाटा असेल. हा प्रकल्प पुढील 42 महिन्यांत पूर्ण करणे अपेक्षित आहे. मंगळवार दिनांक 30 एप्रिल 2024 रोजी रेल विकास निगम स्टॉक 0.83 टक्के घसरणीसह 286.40 रुपये किमतीवर क्लोज झाला होता.
रेल विकास निगम कंपनीने सेबीला दिलेल्या माहिती कळवले आहे की, कंपनीने दक्षिण भारतीय रेल्वे प्रकल्पासाठी 239 कोटी रुपये एवढी सर्वात कमी बोली लावली होती. या प्रकल्पाअंतर्गत दक्षिण रेल्वे विभागात जोलारपेटाई जंक्शन ते सेलम विभागाच्या इरोड जंक्शन दरम्यान स्वयंचलित ब्लॉक सिग्नलिंग प्रणालीची उभारणी करायची आहे.
15 मे 2024 रोजी रेल विकास निगम कंपनीच्या संचालक मंडळाची बैठक आयोजित करण्यात आली आहे. या बैठकीत कंपनीचे संचालक मार्च 2024 तिमाहीचे निकाल मंजूर करतील. वार्षिक सर्वसाधारण सभेत शेअरधारकांच्या मान्यतेच्या अधीन राहून आर्थिक वर्ष 2023-24 साठी कंपनी अंतिम लाभांश देखील वाटप करू शकते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
