SBI Car Loan | एसबीआयने कार खरेदी करण्याचा विचार करणाऱ्या ग्राहकांसाठी फेस्टिव्ह सीझन ऑफर आणली आहे. स्टेट बँक ऑफ इंडियाने (एसबीआय) दिलेल्या माहितीनुसार, फेस्टिवल ऑफरअंतर्गत कार लोन घेणाऱ्या ग्राहकांकडून प्रोसेसिंग फी घेतली जाणार नाही. एसबीआयच्या वेबसाइटनुसार, ही ऑफर 31 जानेवारी 2024 पर्यंत वैध आहे.
एसबीआयच्या म्हणण्यानुसार, वाहन कर्जावर एक वर्षाचा एमसीएलआर लागू होतो, जो 8.55% आहे. एसबीआय कार लोनवर 8.80% ते 9.70% दरम्यान व्याज दर देते आणि आयसी स्कोअर, क्रेडिट, सिबिल स्कोअरनुसार हा दर बदलू शकतो. लक्षात घ्या की रक्कम जारी करताना आकारला जाणारा निश्चित व्याज दर संपूर्ण कर्जाच्या कालावधीसाठी समान राहील. मात्र कार लोनचा कालावधी 5 वर्षांपेक्षा जास्त असेल तर व्याजदर जास्त असू शकतो.
कार लोनमध्ये फ्लेक्सी पेमेंटचा पर्याय
फ्लेक्सी पे पर्यायांतर्गत कर्जधारक खाली दिलेल्या २ पर्यायांपैकी कोणताही एक पर्याय निवडू शकतात.
* एसबीआयच्या वेबसाइटनुसार, पहिल्या 6 महिन्यांचा ईएमआय नियमित ईएमआयच्या 50% वर लागू होईल, जर कर्जाचा कालावधी कमीतकमी 36 महिन्यांचा असेल.
* पहिल्या 6 महिन्यांचा ईएमआय नियमित ईएमआयच्या 50% वर लागू होईल आणि पुढील 6 महिन्यांचा नियमित ईएमआय 75% असेल, जर कर्जाचा कालावधी कमीतकमी 60 महिन्यांचा असेल.
कार लोनसाठी आवश्यक कागदपत्रे
* भरलेल्या अर्जासोबत खाली नमूद केलेली कागदपत्रे सादर करावी लागतील.
* पगारदार व्यक्तीच्या मागील 6 महिन्यांच्या बँक खात्याचा तपशील.
* 2 पासपोर्ट आकाराचे फोटो.
* रहिवासी दाखला.
* उत्पन्नाचा पुरावा: नवीनतम वेतन स्लिप आणि फॉर्म 16.
* गेल्या 2 वर्षांपासून आयटीआर रिटर्न किंवा फॉर्म 16.
* ओळखीचा पुरावा : पासपोर्टची प्रत, पॅनकार्ड, मतदार ओळखपत्र, ड्रायव्हिंग लायसन्स इत्यादी.
* पत्ता दाखला : रेशन कार्ड, ड्रायव्हिंग लायसन्स, मतदार ओळखपत्र, पासपोर्ट, दूरध्वनी बिल, वीज बिल, जीवन विमा पॉलिसी यापैकी कोणत्याही गोष्टीची प्रत.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
