‘आज की बड़ी खबर' मोदींचा VIDEO: पीएनबी घोटाळ्यातील फरार आरोपी मेहुल चोक्सी'ला मोदी 'मेहुल भाई' बोलले होते

नवी दिल्ली : काँग्रेस अध्यक्ष राहुल गांधी यांनी ‘‘आज की बड़ी खबर” असं ट्विट करून २०१५ मधील एक विडिओ प्रकाशित केला आहे. ज्यामध्ये पंतप्रधान नरेंद्र मोदी हे एका कार्यक्रमात १३,००० कोटीच्या पीएनबी घोटाळ्यातील प्रमुख आरोपी मेहुल चोक्सी’ला ‘मेहुल भाई’ बोलले होते असा तो विडिओ आहे.

पुढे मोदींची खिल्ली उडवताना राहुल गांधी म्हटले की, हा मिस्टर ५६ यांचा छोटा विडिओ आहे ‘मेहुल भाई’ बरोबर. ज्याला २०१७ मध्ये क्लीन चिट देण्यात आली आणि ज्यामुळे त्याला एंटीगुआ देशाचं नागरिकत्व मिळालं. गेल्यावर्षी पीएनबी घोटाळ्यामुळे संपूर्ण बँकिंग क्षेत्र हादरून गेलं होत. त्यानंतर मोदी सरकारवर सर्व बाजूनी जोरदार टीका झाली होती.

सध्या जरी काही कालावधी उलटला असला तरी काँग्रेस अध्यक्ष राहुल गांधी यांनी या विडिओ’चा आधार घेत या घोटाळेबहाद्दूरांशी मोदींचे सलोख्याचे संबंध तर नाहीत ना असं अप्रत्यक्ष पणे देशवासियांना सूचित केलं आहे. त्यामुळे आता यावर विविध थरातून प्रतिक्रिया येण्याची शक्यता आहे.

In today’s big news: India gave Mehul “Bhai” Chowksi, Mr 56’s “suit-boot” BFF, a clean chit in Nov 2017, enabling him to obtain Antiguan citizenship. This “Bhai” looted PNB of 13,000 Cr., before scooting from India.

Here’s a little video of Mr 56 with Mehul “Bhai” ???? pic.twitter.com/tt8K5XzBH4

— Rahul Gandhi (@RahulGandhi) August 3, 2018

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.