SBI Special Scheme | दीर्घ मुदतीत पैसे दुप्पट करण्यासाठी ठोस पर्याय शोधत असाल तर एफडी हा एक प्रभावी पर्याय आहे. देशातील सर्वात मोठी बँक एसबीआयमध्ये ग्राहकांना 7 दिवस ते 10 वर्षांपर्यंत एफडी देखील मिळते. वेगवेगळ्या मुदतीच्या एफडीवर एसबीआय ग्राहकाला वार्षिक 3.5% ते 7% पर्यंत व्याज देते. एसबीआयची एफडी योजना ज्येष्ठ नागरिकांसाठी दीर्घकालीन गुंतवणुकीसाठी चांगला पर्याय आहे.
एसबीआय: 7 दिवस ते 10 वर्षांपर्यंत व्याज दर
*’SBI We-Care’ स्कीम डिपॉझिट योजनेअंतर्गत 50 bps च्या अतिरिक्त प्रीमियमचा समावेश.
एसबीआय FD: 10 लाख रुपयाचे 20 लाख रुपये कसे होतील
समजा, नियमित ग्राहक एसबीआयमध्ये 10 वर्षांच्या एफडीमध्ये 10 लाख रुपये जमा करतो. एसबीआय एफडी कॅल्क्युलेटरनुसार, गुंतवणूकदाराला मुदतपूर्तीवर वार्षिक 6.5 टक्के व्याजदराने एकूण 19,05,559 रुपये मिळतील. व्याजातून 9,05,559 रुपयांचे निश्चित उत्पन्न मिळेल. म्हणजेच तुमची अनामत रक्कम जवळपास दुप्पट होईल.
दुसरीकडे, ज्येष्ठ नागरिक एसबीआयच्या 10 वर्षांच्या एफडीमध्ये 10 लाख रुपये जमा करतात. एसबीआय एफडी कॅल्क्युलेटरनुसार, ज्येष्ठ नागरिकांना 7.5 टक्के वार्षिक व्याजदराने मुदतपूर्तीवर एकूण 21,02,349 रुपये मिळतील. व्याजातून 21 लाख 2 हजार 349 रुपयांचे निश्चित उत्पन्न मिळेल. म्हणजेच तुमची अनामत रक्कम दुप्पट होईल.
एसबीआय एफडी: व्याजाच्या उत्पन्नावर कर वजावटीतून सूट
बँक एफडी सामान्यत: सुरक्षित मानली जाते. जोखीम न घेणाऱ्या गुंतवणूकदारांसाठी हा चांगला पर्याय आहे. कलम 80C मध्ये 5 वर्षांच्या टॅक्स सेव्हिंग एफडीवर करसवलतीचा लाभ मिळतो. मात्र, एफडीवरील व्याज करपात्र आहे.
प्राप्तिकर नियमांनुसार एफडी योजनेवर स्रोतावरील कर वजावट (TDS) लागू आहे. म्हणजेच एफडीच्या मॅच्युरिटीवर मिळणारी रक्कम तुमचे उत्पन्न मानली जाईल आणि तुम्हाला स्लॅब रेटनुसार कर भरावा लागेल. करवजावटीतून सूट मिळण्यासाठी ठेवीदार फॉर्म 15G/15H एच सादर करू शकतो.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
