Senior Citizen Saving Scheme | ज्येष्ठ नागरिकांच्या ज्या काही ठेवी आहेत, त्यासोबत त्यांना कोणत्याही प्रकारची जोखीम पत्करायची नाही. त्यामुळे ते आपल्या ठेवी मुदत ठेवींमध्ये गुंतविणे पसंत करतात, जिथे त्यांना गॅरंटीड व्याज मिळू शकेल आणि त्यांचे पैसेही सुरक्षित राहतील.
पण जर तुम्हाला अल्प काळासाठी मुदत ठेवींमध्ये पैसे जमा करायचे असतील तर एससीएसएस म्हणजेच ज्येष्ठ नागरिक बचत योजना हा एक चांगला पर्याय ठरू शकतो. या योजनेवर 8.2 टक्के दराने व्याज मिळत आहे. जाणून घ्या या ज्येष्ठ नागरिक बचत योजनेचे फायदे आणि प्रमुख बँकांमधील 5 वर्षांच्या एफडीवरील व्याज-
किती पैसे जमा करता येतील
एससीएसएसमध्ये गुंतवणूक 1000 रुपयांपासून सुरू केली जाऊ शकते. जास्तीत जास्त ठेवमर्यादा ३० लाख रुपये आहे. योजनेत ही रक्कम 1000 च्या पटीत जमा केली जाते. याचा मॅच्युरिटी पीरियड 5 वर्षांचा आहे. ठेवीदाराची इच्छा असल्यास ठेवीदार ठेवी परिपक्व झाल्यानंतर खात्याचा कालावधी तीन वर्षांपर्यंत वाढवू शकतो. मुदतपूर्तीनंतर 1 वर्षाच्या आत ही मुदत वाढवता येते. मुदतपूर्तीच्या तारखेला लागू असलेल्या दराने विस्तारित खात्यावर व्याज दिले जाईल.
संरक्षण दलातील निवृत्तांना वयोमर्यादेत सवलत
ज्या व्यक्तीचे वय 60 वर्षे किंवा त्यापेक्षा जास्त आहे ती व्यक्ती या योजनेत गुंतवणूक करून नफा कमावू शकते. व्हीआरएस घेणाऱ्या नागरी क्षेत्रातील सरकारी कर्मचारी आणि संरक्षणातून निवृत्त होणाऱ्या व्यक्तींना काही अटींसह वयोमर्यादेत सूट दिली जाते. हे खाते आपल्या जोडीदारासोबत सिंगल किंवा जॉइंट अकाऊंट म्हणून उघडता येते. एससीएसएस कलम 80 सी अंतर्गत कर सवलतीचा लाभ देते.
किती गुंतवणुकीवर किती परतावा मिळणार?
जर तुम्ही या योजनेत 1 लाख रुपयांची गुंतवणूक केली तर 5 वर्षांनंतर तुम्हाला एकूण 1,41,000 रुपये मिळतील. दोन लाख रुपयांच्या गुंतवणुकीवर दोन लाख 82 हजार, तर पाच लाखांच्या गुंतवणुकीसाठी सात लाख पाच हजार रुपये मिळतील. 10 लाख जमा केल्यावर 14 लाख 10 हजार मिळतील. 20 लाख जमा केल्यास 28,20,000 रुपये आणि 30 लाख जमा केल्यास 42,30,000 रुपये मिळतील.
बँकांमध्ये ज्येष्ठ नागरिकांसाठी 5 वर्षांच्या एफडीवर किती व्याज
* एसबीआय: 7.25%
* पीएनबी: 7:00%
* एचडीएफसी: 7:50%
* आयसीआयसीआय: 7:50%
* Axis: 7:60%
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
