Senior Citizen TDS Limit | 1 फेब्रुवारी 2025 चा अर्थसंकल्प मध्यम आणि नोकरदार वर्गासाठी ऐतिहासिक ठरला आहे. केंद्रीय अर्थमंत्री निर्मला सीतारामन यांनी आपल्या अर्थसंकल्पीय भाषणात 12 लाखांपर्यंतचे वार्षिक उत्पन्न करमुक्त करून मध्यमवर्गाला मोठी भेट दिली.
याशिवाय ज्येष्ठ नागरिकांसाठी अर्थमंत्र्यांनी महत्त्वाची घोषणा केली आहे. निर्मला सीतारामन यांनी आपल्या अर्थसंकल्पीय भाषणात ज्येष्ठ नागरिकांसाठी स्रोतावर कर वजावट (टीडीएस) वजावटीची मर्यादा दुप्पट केली. अर्थमंत्र्यांनी ज्येष्ठ नागरिकांसाठी व्याजावरील टीडीएस कपातीची मर्यादा 50,000 रुपयांवरून 1 लाख रुपये केली.
व्याजावरील टीडीएस कपातीच्या मर्यादेत वाढ केल्याने ज्येष्ठ नागरिकांना कसा फायदा होणार?
खरं तर बहुतांश ज्येष्ठ नागरिक बँकेच्या एफडी, पोस्ट ऑफिसडिपॉझिट किंवा इतर बँक डिपॉझिटवरील व्याजातून उत्पन्न मिळवतात. आता व्याजावरील टीडीएस कपातीची मर्यादा वाढल्याने ज्येष्ठ नागरिकांना व्याजाच्या माध्यमातून १ लाख रुपयांपर्यंतच्या उत्पन्नावर कोणताही कर भरावा लागणार नाही.
यामुळे वृद्धांच्या हातात अधिक पैसा शिल्लक राहणार आहे
बँक एफडी, पोस्ट ऑफिसडिपॉझिट किंवा इतर बँक ठेवींवरील व्याजातून १ लाखापर्यंतच्या उत्पन्नावर ‘शून्य’ टॅक्स लागू झाल्याने ज्येष्ठ नागरिकांकडे अधिक पैसे शिल्लक राहतील.
यापूर्वी ज्येष्ठ नागरिकांना व्याजातून 50,000 रुपयांपेक्षा अधिक उत्पन्नावर १० टक्के कर म्हणजेच टीडीएस भरावा लागत होता. तसेच ज्येष्ठ नागरिकाकडे पॅनकार्ड नसल्यास त्यांना 20 टक्के कर भरावा लागत होता.
टीडीएसव्यतिरिक्त ज्येष्ठ नागरिकांसाठी अर्थसंकल्पात केलेल्या घोषणा
अर्थमंत्री निर्मला सीतारामन यांनी टीडीएस कपातीची मर्यादा वाढवण्याबरोबरच ज्येष्ठ नागरिकांसाठी आणखी दोन महत्त्वाच्या घोषणा केल्या आहेत. त्यांनी ज्येष्ठ नागरिकांसाठी भाड्याची मर्यादा वाढवली असून राष्ट्रीय बचत योजनेच्या (एनएसएस) खात्यातून पैसे काढण्यास करमुक्त केले आहे.
अर्थमंत्र्यांनी भाड्यावरील वार्षिक टीडीएस मर्यादा 2.40 लाख रुपयांवरून 6 लाख रुपयांपर्यंत वाढवली आहे आणि ऑगस्ट 2024 किंवा त्यानंतर एनएसएस खात्यांमधून पैसे काढण्यास करातून सूट दिली आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
