Signature Global IPO | मोठी संधी! सिग्नेचर ग्लोबल IPO 20 सप्टेंबरपासून गुंतवणुकीसाठी खुला होणार, पहिल्याच दिवशी मालामाल व्हाल

Signature Global IPO | रिअल इस्टेट कंपनी सिग्नेचर ग्लोबलने घरांच्या मागणीच्या जोरावर गेल्या आर्थिक वर्षात विक्री बुकिंग ३२ टक्क्यांनी वाढून ३,४३०.५८ कोटी रुपयांवर पोहोचली आहे. कंपनीचा आयपीओ बुधवार २० सप्टेंबर रोजी येत आहे. कंपनीने आपल्या आयपीओसाठी ३८५ रुपयांचा प्राइस बँड निश्चित केला आहे. ग्रे मार्केटमध्ये हा शेअर ४० रुपयांच्या प्रीमियमवर उपलब्ध आहे. याची संभाव्य लिस्टिंग किंमत ४२५ रुपये आहे.

गुरुग्रामस्थित सिग्नेचर ग्लोबल प्रामुख्याने परवडणाऱ्या आणि मध्यम उत्पन्न गटातील गृहनिर्माण क्षेत्रात काम करते. कंपनीने 2021-22 या आर्थिक वर्षात 2,590 कोटी रुपयांच्या विक्री बुकिंगची नोंद केली होती. ऑपरेशनल परफॉर्मन्सच्या आधारे सिग्नेचर ग्लोबलचे ग्राहक संकलन गेल्या आर्थिक वर्षात १,२८२.१४ कोटी रुपयांवरून १,९२० कोटी रुपयांवर पोहोचले आहे.

२० सप्टेंबरपासून आयपीओ येणार
एचडीएफसी कॅपिटल आणि आयएफसीच्या पाठिंब्याने ही कंपनी २० सप्टेंबररोजी आपला आयपीओ घेऊन भांडवली बाजारात उतरणार असून ७३० कोटी रुपये उभारणार आहे. हा आयपीओ २२ सप्टेंबररोजी बंद होणार आहे. सिग्नेचर ग्लोबलचे मुख्य कार्यकारी अधिकारी रजत कथुरिया यांनी सांगितले की, कंपनीने अँकर गुंतवणूकदारांकडून ३३० कोटी रुपये उभे करण्याचा प्रस्ताव ठेवला आहे. सध्या कंपनीत प्रवर्तक समूहाचा ७८.३५ टक्के हिस्सा आहे. लिस्टिंग नंतर कंपनीतील त्यांचा हिस्सा ६९ ते ७० टक्क्यांपर्यंत खाली येईल.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Signature Global IPO open for investment 19 September 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.