Sterling Tools Share Price | ‘स्टर्लिंग टूल्स’ या वाहनांसाठी लागणाऱ्या उच्च दर्जाचे नट-बोल्ट बनवणाऱ्या कंपनीचे शेअर्स मागील एक महिन्यासपपासून स्वस्त होत आहेत. एकीकडे मागील एक वर्षात या कंपनीच्या शेअर ने लोकांना 192.42 टक्के परतावा कमावून दिला आहे. तर दुसरीकडे मागील एक महिन्यापासून हा स्टॉक 19.58 टक्के घसरला आहे. आज गुरूवार दिनांक 11 मे 2023 रोजी या कंपनीचे शेअर्स 3.40 टक्के घसरणीसह 349.00 रुपये किमतीवर क्लोज झाले आहेत.
लाभांश वाटपाची घोषणा :
‘स्टर्लिंग टूल्स’ कंपनीने 8 मे 2023 रोजी स्टॉक एक्सचेंज फाइलिंगमध्ये माहिती दिली आहे की, कंपनीने लाभांश वाटपाची घोषणा केली आहे. कंपनीच्या संचालक मंडळाने प्रत्येक शेअरवर 2 रुपये लाभांश जाहीर केला आहे. स्टर्लिंग टूल्स कंपनीच्या वार्षिक सर्वसाधारण सभेत लाभांश प्रस्तावावर भागधारकांची मंजुरी घेतली जाईल.
शेअरची वाटचाल :
स्टर्लिंग टूल्स कंपनीच्या शेअर्सनी मागील एका वर्षात आपल्या गुंतवणूकदारांना मजबूत कमाई करून दिली आहे. 12 मे 2022 रोजी या कंपनीचे शेअर्स 116.05 रुपये या आपल्या वार्षिक नीचांक किंमत पातळीवर ट्रेड करत होते. यानंतर अवघ्या 11 महिन्यांत शेअरमध्ये 294 टक्क्यांची वाढ होऊन 12 एप्रिल 2023 रोजी हा स्टॉक 456.75 रुपयांवर पोहचला आहे. शेअरमधील विक्रीच्या दबावामुळे स्टॉक आतापर्यंत 20 टक्क्यांनी स्वस्त झाला आहे. एक वर्षाच्या नीचांक किंमत पातळीच्या तुलनेत स्टॉक 213 टक्क्यांनी वर ट्रेड करत आहे.
कंपनीची आर्थिक स्थिती :
स्टर्लिंग टूल्स कंपनीने सोमवारी आपले मार्च 2023 तिमाहीचे आर्थिक निकाल जाहीर केले. जानेवारी ते मार्च 2023 मध्ये कंपनीने 212.66 कोटी रुपये कमाई केली आहे. ज्यात मागील वर्षाच्या तुलनेत 25.03 टक्के वाढ झाली आहे. या कालावधीत कंपनीचा निव्वळ नफा 13 टक्क्यांच्या वाढीसह 7.77 कोटी रुपयेवर पोहोचला आहे. 2022-23 मध्ये वार्षिक आधारावर कंपनीचे एकूण उत्पन्न 51.16 टक्के वाढीसह 774.88 कोटी रुपयेवर पोहोचले आहे. त्याच वेळी कंपनीचा निव्वळ नफा 87.48 टक्के वाढीसह 47.87 कोटी रुपयेवर पोहचला आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
