Suzlon Energy Share Price | ‘सुझलॉन एनर्जी’ या रिन्यूएबल एनर्जी सोल्युशन्स कंपनीचे शेअर्स मजबूत कामगिरी करत आहेत. सुझलॉन एनर्जी कंपनीला एका मागून एक मोठ्या प्रमाणात ऑर्डर मिळत आहेत. त्यामुळे कंपनीच्या शेअर्समध्ये ही जबरदस्त तेजी पाहायला मिळत आहे.
सोमवारच्या ट्रेडिंग सेशनमध्ये या कंपनीचे शेअर्स 11 टक्के वाढीसह 9.56 रुपये किमतीवर ट्रेड करत होते. तर कंपनीने देखील 11200 कोटी रुपयेचा टप्पा पार केला आहे. आज मंगळवार दिनांक 23 मे 2023 रोजी या कंपनीचे शेअर्स 2.70 टक्के वाढीसह 9.50 रुपये किमतीवर क्लोज झाले आहेत.
सुझलॉन एनर्जी स्टॉकमधील तेजीचे कारण :
सुझलॉन एनर्जी कंपनी मागील एका महिन्यात 5 मोठ्या ऑर्डर मिळाल्या आहेत. सुझलॉन एनर्जी कंपनीने सोमवारी जाहीर केले की त्यांना सेरांटिका रिन्युएबल्स कंपनीकडून 3 मेगावॅट क्षमतेच्या पवन चक्की टर्बाइनची ऑर्डर प्राप्त झाली आहे. या ऑर्डरमध्ये कर्नाटकातील कोप्पल येथे सेरांटिकाच्या आगामी 204 मेगावॅटच्या पवन ऊर्जा प्रकल्पासाठी प्रत्येकी 3 मेगावॅट क्षमतेचे हायब्रिड लॅटिस ट्युब्युलर टॉवरसह 68 विंड टर्बाइन जनरेटर स्थापित करण्याची ऑर्डर आहे. या कंपनीने अद्याप आपले ऑर्डरचे मूल्य जाहीर केले नाही.
विंड टर्बाइन पुरवठा कराराचा तपशील :
सुझलॉन एनर्जी कंपनी या करारा अंतर्गत विंड टर्बाइनचा पुरवठा करणार आहे. यासोबतच कंपनी उत्पादन आणि कमिशनिंगचे काम देखील करणार आहे. त्याच वेळी प्रकल्प कार्यान्वित झाल्यानंतर, कंपनी ऑपरेशन आणि देखभाल सेवा प्रदान करेल, असे करारात म्हंटले आहे. प्रकल्प कार्यान्वित झाल्यानंतर या मोठ्या पवन ऊर्जा प्रकल्प अंतर्गत 168 हजार घरांना वीज पुरवठा केला जाईल. यासह वार्षिक 6.63 लाख टन CO2 उत्सर्जन कमी होईल.
गुंतवणुकीवर परतावा :
सुझलॉन एनर्जी कंपनीच्या शेअरमध्ये कमालीची तेजी पाहायला मिळत आहे. मागील एका आठवड्यात या कंपनीचे शेअर्स 13 टक्के मजबूत झले आहेत. मागील एका महिन्यात या कंपनीच्या शेअरमध्ये 17 टक्के वाढ पाहायला मिळाली आहे. मागील.
तीन महिन्यांत 12 टक्के परतावा
तीन महिन्यांत या कंपनीच्या शेअरने आपल्या गुंतवणूकदारांना 12 टक्के परतावा कमावून दिला आहे. मागील तीन वर्षांत गुंतवणूकदारांनी या स्टॉकमधून 270 टक्के कमाई केली आहे. 2007 मध्ये या कंपनीचे शेअर्स 350 रुपये किमतीवर ट्रेड करत होते. तर आया शेअरची किंमत 90 टक्के खाली आली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
