Suzlon Vs Inox Wind Share | सुझलॉन एनर्जी आणि आयनॉक्स विंड एनर्जी शेअर्स तेजीत, कोणता शेअर मोठा परतावा देईल?

Suzlon Vs Inox Wind Share | मागील काही दिवसांपासून आयनॉक्स विंड एनर्जी कंपनीच्या शेअरमध्ये जबरदस्त तेजी पाहायला मिळत आहे. बुधवारच्या ट्रेडिंग सेशनमध्ये आयनॉक्स विंड एनर्जी कंपनीच्या शेअर्समध्ये जोरदार खरेदी पाहायला मिळत होती. आज देखील या स्टॉकमध्ये किंचित तेजी पाहायला मिळत आहे. या कंपनीच्या शेअरमध्ये कॉर्पोरेट कृती म्हणजेच कंपन्यांशी संबंधित सकारात्मक बातम्यांमुळे तेजी पाहायला मिळत होती.

कालच्या ट्रेडिंग सेशनमध्ये आयनॉक्स विंड एनर्जी कंपनीचे शेअर्स 5 टक्के वाढीसह 2993.90 रुपये किमतीवर ट्रेड करत होते. आज गुरूवार दिनांक 2 नोव्हेंबर 2023 रोजी आयनॉक्स विंड एनर्जी कंपनीचे शेअर्स 0.31 टक्के वाढीसह 2,873.85 रुपये किमतीवर ट्रेड करत आहेत.

स्टॉक वाढीचे कारण :
वास्तविक आयनॉक्स विंड एनर्जी कंपनीने आपली उपकंपनी असलेल्या आयनॉक्स विंड लिमिटेडमधील 800 कोटी रुपये मूल्याचे शेअर्स विकले आहेत. त्यामुळे या कंपनीच्या शेअरमध्ये तेजी पाहायला मिळत आहे. या व्यवहारानंतर आयनॉक्स विंड एनर्जीचा IWL कंपनीमधील वाटा 50.20 टक्केवरून कमी होऊन 38.43 टक्क्यांवर आला आहे. स्टॉक विक्रीतून मिळालेली रक्कम आयनॉक्स विंड कंपनीचे बाह्य कर्ज परतफेड करण्यासाठी खर्च केले जाणार आहेत. आणि काही रक्कम कंपनीचा ताळेबंद मजबूत करण्यासाठी खर्च केली जाणार आहे.

स्टॉक विक्रीचे तपशील :
ब्लॉक डील डेटानुसार आयनॉक्स विंड एनर्जी कंपनीने आपली उपकंपनी आयनॉक्स विंडचे 3.83 कोटी इक्विटी शेअर्स म्हणजेच जवळपास 11.77 टक्के भाग भांडवल 210.23 रुपये किमतीवर विकले आहेत. यांचे एकूण मुल्य 806.48 कोटी रुपये आहे. दरम्यान स्मॉल कॅप वर्ल्ड फंड इंकने आयनॉक्स विंड कंपनीमधील 74.51 लाख इक्विटी शेअर्स सरासरी 211.7 रुपये किमतीवर खरेदी केले आहेत.

त्याचप्रमाणे ICICI प्रुडेन्शियल म्युच्युअल फंडाने देखील 24.06 लाख शेअर्स 209 रुपये किमतीवर खरेदी केले आहेत. ईस्ट ब्रिज कॅपिटल मास्टर फंड I ने आयनॉक्स विंड कंपनीचे 47.84 लाख शेअर्स आपल्या पोर्टफोलिओमध्ये सामील केले आहेत. तर बीएनपी परिबास आर्बिट्रेज कंपनीने आयनॉक्स विंड कंपनीचे 23.92 लाख शेअर्स 209 रुपये किमतीवर खरेदी केले आहेत.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Suzlon Vs Inox Wind Share NSE 2 November 2023.