Tata Group IPO | सोमवारी लक्षणीय घसरणीनंतर आज, मंगळवारी भारतीय शेअर बाजारात ताकद दिसून येत आहे. दरम्यान, टाटा इन्व्हेस्टमेंट कॉर्पोरेशनच्या शेअरमध्ये आज ८.३ टक्क्यांची जोरदार वाढ झाली असून तो ६२२५ रुपयांच्या उच्चांकावर पोहोचला आहे.
टाटा कॅपिटल लिमिटेडला आयपीओसाठी संचालक मंडळाकडून मंजुरी – रॉयटर्स वृत्त
टाटा इन्व्हेस्टमेंटच्या शेअर्समधील या वाढीचे मुख्य कारण टाटा समूहाची कंपनी टाटा कॅपिटल लिमिटेडला टाटा कॅपिटलच्या आयपीओसाठी संचालक मंडळाकडून मंजुरी मिळाल्याचे वृत्त रॉयटर्सने दिले आहे. टाटा कॅपिटलकडून अद्याप या माहितीला अधिकृत दुजोरा देण्यात आलेला नाही.
टाटा समूहाची वित्तीय सेवा देणारी कंपनी
विशेष म्हणजे टाटा कॅपिटल ही टाटा समूहाची वित्तीय सेवा देणारी कंपनी आहे. रॉयटर्सने दिलेल्या वृत्तानुसार, टाटा कॅपिटलचे संचालक मंडळ आयपीओद्वारे बाजारात सूचीबद्ध होण्याच्या तयारीत आहे. या आयपीओच्या माध्यमातून टाटा कॅपिटलचे सुमारे 23 कोटी नवे शेअर्स जारी केले जाऊ शकतात आणि टाटा कॅपिटलचे काही विद्यमान भागधारक ही ऑफर फॉर सेलच्या माध्यमातून आपला हिस्सा विकू शकतात, असे या अहवालात म्हटले आहे.
आयपीओच्या वृत्तानंतर टाटा इन्व्हेस्टमेंटच्या शेअर्समध्ये वाढ
टाटा कॅपिटलच्या आयपीओच्या बातमीचा आज टाटा इन्व्हेस्टमेंटच्या शेअर्सवर परिणाम झाला आहे कारण टाटा ग्रुपच्या अनेक कंपन्यांमध्ये टाटा इन्व्हेस्टमेंटचा हिस्सा आहे. परिणामी आयपीओच्या वृत्तानंतर टाटा इन्व्हेस्टमेंटच्या शेअर्समध्ये वाढ झाली आहे.
गेल्या दोन दशकांत दुसऱ्यांदा टाटा समूहाची कंपनी बाजारात उतरणार
टाटा कॅपिटलचा आयपीओ बाजारात आल्यास गेल्या दोन दशकांत दुसऱ्यांदा टाटा समूहाची कंपनी बाजारात उतरणार आहे; यापूर्वी टाटा टेक्नॉलॉजीज नोव्हेंबर २०२३ मध्ये शेअर बाजारात लिस्ट झाली होती.
टाटा सन्स समूहाची होल्डिंग कंपनी
आकडेवारीनुसार, टाटा कॅपिटलमध्ये सध्या टाटा सन्स या समूहाची होल्डिंग कंपनी ९३ टक्के हिस्सेदारी आहे. टाटा कॅपिटल प्रामुख्याने टाटा समूहाच्या संस्थांना निधी पुरविणाऱ्या आर्थिक संबंधित व्यवसायांमध्ये गुंतलेली आहे. याव्यतिरिक्त, टाटा कॅपिटल टाटा कॅपिटल फायनान्शियल सर्व्हिसेस आणि टाटा कॅपिटल हाऊसिंग फायनान्स सारख्या व्यवसायांद्वारे कार्य करते, ज्यात वैयक्तिक कर्ज, गुंतवणूक बँकिंग आणि सल्लागार सेवांचा समावेश आहे.
