Tata Motors Share Price | टाटा मोटर्स कंपनीचे शेअर्स मागील काही महिन्यापासून जबरदस्त तेजीत धावत आहेत. शुक्रवारच्या ट्रेडिंग सेशनमध्ये या कंपनीच्या शेअरने आपली सर्वकालीन उच्चांक किंमत स्पर्श केली आहे. शुक्रवारी टाटा मोटर्स कंपनीचे शेअर्स 1.09 टक्के वाढीसह 687.55 रुपये किमतीवर ट्रेड करत होते.
2020 च्या कोविड लॉकडाऊन पासून आतापर्यंत टाटा मोटर्स स्टॉक 981 टक्के वाढला आहे. शुक्रवार दिनांक 17 नोव्हेंबर 2023 रोजी टाटा मोटर्स कंपनीचे शेअर्स 0.12 टक्के वाढीसह 681.25 रुपये किमतीवर क्लोज झाले आहेत.
24 मार्च 2020 रोजी टाटा मोटर्स कंपनीचे शेअर्स 63.60 रुपये किमतीवर ट्रेड करत होते. मागील एका वर्षात टाटा मोटर्स कंपनीच्या शेअरने आपल्या गुंतवणूकदारांना 62 टक्के नफा कमावून दिला आहे. ज्या गुंतवणूकदारांनी 2023 या वर्षाच्या सुरुवातीला टाटा मोटर्स स्टॉक खरेदी केला होता, त्यांच्या गुंतवणुकीचे मूल्य आता 73.70 टक्के वाढले आहे. तज्ञांच्या मते टाटा मोटर्स कंपनीचे शेअर्स पुढील काळात 773 रुपये किंमत स्पर्श करू शकतात.
टाटा मोटर्स कंपनीच्या शेअर्समध्ये वाढ होण्याचे मुख्य कारण म्हणजे, लवकरच टाटा टेक्नॉलॉजी कंपनीचा IPO शेअर बाजारात लाँच होणार आहे आणि यातून टाटा मोटर्स कंपनीला मजबूत फायदा होणार आहे.
टाटा टेक्नॉलॉजी कंपनीचा IPO 22 ते 24 नोव्हेंबर दरम्यान गुंतवणुकीसाठी खुला केला जाणार आहे. या कंपनीने आपल्या IPO ची किंमत बँड 475 ते 500 रुपये जाहीर केली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
