Tata Motors Share Price | भारतीय शेअर बाजारात गुरूवारी निफ्टी ऑटो इंडेक्स 1.09 टक्क्यांच्या वाढीसह 16169.65 अंकावर ट्रेड करत होता. आता हा निर्देशांक आपल्या 16428 या 52 आठवड्यांच्या उच्चांक पातळीच्या जवळ पोहचला आहे. ऑटो सेक्टरमधील कंपन्यांच्या वाढीमुळे ऑटो निर्देशांक मागील सहा महिन्यांत 31 टक्क्यांनी मजबूत झाला आहे.
अशा परिस्थितीत जर तुम्ही ऑटो स्टॉकमध्ये गुंतवणूक करू इच्छित असाल तर तज्ञांनी निवडलेले हे टॉप तीन ऑटो स्टॉक सेव्ह करा. आज लेखात आपण टॉप तीन ऑटो शेअर्सबद्दल माहिती जाणून घेणार, जे पुढील काळात गुंतवणुकदारांना श्रीमंत बनवू शकतात.
टाटा मोटर्स
तज्ञांच्या मते टाटा मोटर्स कंपनीचे शेअर्स पुढील काळात 760 रुपये किंमत स्पर्श करू शकतात. गुरुवारच्या ट्रेडिंग सेशनमध्ये या कंपनीचे शेअर्स 624.70 रुपये किमतीवर क्लोज झाले होते. प्रभुदास लीलाधर फर्मने टाटा मोटर्स कंपनीच्या शेअरवर 760 रुपये लक्ष किमंत जाहीर केली आहे. मागील सहा महिन्यांत टाटा मोटर्स कंपनीच्या शेअरने आपल्या गुंतवणूकदारांना 51 टक्क्यांपेक्षा जास्त परतावा कमावून दिला आहे.
या कंपनीच्या शेअरची 52 आठवड्यांची उच्चांक पातळी किंमत 665.40 रुपये होती. तर नीचांक पातळी किंमत 375.20 रुपये होती. विदेशी ब्रोकरेज कंपनी नोमुरा इंडियाला टाटा मोटर्सच्या कंपनीच्या स्टॉकवर 786 रुपये लक्ष किंमत जाहीर केली आहे. शुक्रवार दिनांक 15 सप्टेंबर 2023 रोजी या कंपनीचे शेअर्स 1.54 टक्के वाढीसह 634.20 रुपये किमतीवर क्लोज झाले होते.
अशोक ले लँड
तज्ञांच्या मते पुढील काळात अशोक ले लँड कंपनीचे शेअर्स 225 रुपये किंमत स्पर्श करू शकतात. ब्रोकरेज फर्म प्रभुदास लिलाधरने अशोक लेलँड कंपनीचे शेअर्स खरेदी करण्याचा सल्ला दिला आहे. गुरुवारच्या ट्रेडिंग सेशनमध्ये या कंपनीचे शेअर्स 180.05 रुपये किमतीवर क्लोज झाले होते.
या कंपनीच्या शेअरची 52 आठवड्यांची उच्चांक किंमत पातळी 191.50 रुपये होती. तर नीचांक किंमत पातळी 133.10 रुपये होती. शुक्रवार दिनांक 15 सप्टेंबर 2023 रोजी या कंपनीचे शेअर्स 1.72 टक्के वाढीसह 183.00 रुपये किमतीवर क्लोज झाले होते.
हीरो मोटोकॉर्प
शेअर बाजारातील तज्ञांच्या मते हीरो मोटो कॉर्प कंपनीचे शेअर्स पुढील काळात 3630 रुपये किमतीवर जाऊ शकतात. पुढील काही महिन्यांत या कंपनीचे शेअर्स 3535 रुपये किंमत स्पर्श करू शकतात, असा अंदाज तज्ञांनी व्यक्त केला आहे. चालू आठवड्यात गुरुवारच्या ट्रेडिंग सेशनमध्ये हीरो मोटो कॉर्प स्टॉक 3000 रुपये किमतीवर क्लोज झाला होता. या कंपनीच्या शेअरची 52 आठवड्यांची उच्चांक पातळी किंमत 3244 रुपये होती. तर नीचांक किंमत पातळी 2246 रुपये होती.
मागील सहा महिन्यांत या कंपनीच्या शेअरने आपल्या गुंतवणूकदारांना 26 टक्के परतावा कमावून दिला आहे. प्रभुदास लिलाधर फर्मच्या तज्ञांनी हीरो मोटो कॉर्प कंपनीच्या शेअरवर 3535 रुपये लक्ष किंमत जाहीर केली आहे. तर मोतीलाल ओसवाल फर्मच्या तज्ञांनी या स्टॉकवर 3630 रुपये लक्ष किंमत जाहीर केली आहे. शुक्रवार दिनांक 15 सप्टेंबर 2023 रोजी या कंपनीचे शेअर्स 2.25 टक्के वाढीसह 3,065.95 रुपये किमतीवर क्लोज झाले होते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
