Tata Technologies IPO | शेअर बाजारातील गुंतवणुकदार मागील काही महिन्यांपसून टाटा टेक्नॉलॉजी कंपनीच्या IPO ची आतुरतेने वाट पाहत आहेत. आता तुमची प्रतीक्षा संपली असं समजा. टाटा टेक्नॉलॉजी कंपनीच्या IPO बाबत मोठी बातमी आली आहे. या कंपनीचा IPO ऑगस्ट किंवा सप्टेंबर महिन्यात शेअर बाजारात लाँच केला जाऊ शकतो. ग्रे मार्केटचा आढावा घेणाऱ्या तज्ज्ञांच्या मते टाटा टेक्नॉलॉजी कंपनीचे शेअर्स ग्रे मार्केटमध्ये जबरदस्त कामगिरी करत आहेत. (Tata Technologies Share Price)
टाटा टेक्नॉलॉजी IPO प्राईस बँड :
टाटा टेक्नॉलॉजी कंपनीने आपल्या IPO साठी दाखल केलेल्या DRHP कागदपत्रांनुसार टाटा टेक्नॉलॉजी कंपनी ऑफर फॉर सेल अंतर्गत 95,708,984 शेअर्स खुल्या बाजारात विकणार आहे. टाटा टेक्नॉलॉजी कंपनीचे शेअर्स BSE आणि NSE या दोन्ही इंडेक्सवर सूचिबद्ध केले जाणार आहे. टाटा टेक्नॉलॉजी कंपनीच्या आयपीओचा आकार 12,000 कोटी रुपये असणार आहे.
IPO डिटेल सविस्तर :
टाटा टेक्नॉलॉजी कंपनीच्या IPO ची किंमत बँड 295 रुपये असू शकते, अड अंदाज तज्ञांनी व्यक्त केला आहे. मागील आठवड्यात ग्रे मार्केटमध्ये टाटा टेक्नॉलॉजी कंपनीचे IPO शेअर्स 100 रुपये प्रीमियम किमतीवर ट्रेड करत होते. त्यापूर्वी या कंपनीच्या शेअर्सची ग्रे मार्केट किंमत 105 रुपये किमतीवर पोहचली होती.
म्हणजेच शेअरची ग्रे मार्केट प्रीमियम किंमत किंचित घसरली आहे. मोठ्या कंपनीच्या IPO स्टॉक GMP मध्ये किंचीत घसरण होणे, सामान्य बाब आहे. शेअर बाजारातील तज्ञांनी या कंपनीच्या IPO मध्ये पैसे लावण्याचा सल्ला दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
