Tejas Networks Share Price | तेजस नेटवर्क कंपनीच्या शेअरने आपल्या गुंतवणुकदारांना जबरदस्त परतावा कमावून दिला आहे. कालच्या ट्रेडिंग सेशनमध्ये या कंपनीचे शेअर्स 4.70 टक्क्यांच्या वाढीसह 935 रुपये किमतीवर ट्रेड करत होते. मात्र दिवसा अखेर शेअरमध्ये नफा वसुली सुरू झाली, आणि शेअरची किंमत पुन्हा खाली आली.
तेजस नेटवर्क कंपनीच्या शेअर्समध्ये वाढ होण्याचे प्रमुख कारण म्हणजे, तेजस नेटवर्क कंपनीला बीएसएनएल कंपनीने 750 कोटी रुपये मूल्याची वर्क ऑर्डर दिली आहे. ही बातमी जाहीर होताच शेअर बाजारातील गुंतवणूकदारांनी मोठ्या प्रमाणात स्टॉक खरेदी करायला सुरुवात केली. शुक्रवार दिनांक 8 सप्टेंबर 2023 रोजी तेजस नेटवर्क कंपनीचे शेअर्स 0.067 टक्के वाढीसह 894.00 रुपये किमतीवर क्लोज झाले होते.
तेजस नेटवर्क कंपनीने स्टॉक एक्स्चेंजला दिलेल्या माहितीत कळवले आहे की, बीएसएनएल कंपनीने टाटा कन्सल्टन्सी सर्व्हिसेस कंपनीला रेडिओ एक्सेस नेटवर्क संबंधित एक ऑर्डर दिली आहे. या ऑर्डरचे एकूण मुल्य 750 कोटी रुपये असणार आहे. या ऑर्डरची पूर्तता झाल्यास BSNL कंपनी देशभरात 4G आणि 5G नेटवर्कची सुविधा प्रदान करण्यास सक्षम बनेल. मे 2023 मध्ये BSNL कंपनीने TCS consortium ला 15,000 कोटी रुपये मूल्याची एक ऑर्डर दिली होती.
मागील एका महिन्यात तेजस नेटवर्क कंपनीच्या शेअर्सने आपल्या गुंतवणुकदारांना 8 टक्क्यांपेक्षा जास्त परतावा कमावून दिला आहे. आणि मागील सहा महिन्यात या कंपनीच्या शेअरने आपल्या गुंतवणुकदारांना 60 टक्क्यांपेक्षा जास्त नफा कमावून दिला आहे. मागील एका वर्षात तेजस नेटवर्क्स कंपनीच्या शेअरने आपल्या गुंतवणूकदारांना 42 टक्क्यांपेक्षा जास्त परतावा कमावून दिला आहे. YTD आधारे या कंपनीच्या शेअरची किंमत 47.43 टक्के वाढली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
