Yes Bank Share Price | येस बँक स्टॉकमध्ये जबरदस्त खरेदी पाहायला मिळत आहे. येस बँक स्टॉकमध्ये वाढ होण्याचे मुख्य कारण म्हणजे, बँकेने नुकताच आपले जून तिमाहीचे तात्पुरती आकडे जाहीर केले आहेत. मागील आठवड्यात येस बँक स्टॉकमध्ये जोरदार खरेदी पाहायला मिळाली होती. ( येस बँक कंपनी )
मागील दोन ट्रेडिंग सेशनमध्ये येस बँक स्टॉक सरासरीपेक्षा जास्त व्हॉल्यूमसह 14 टक्क्यांनी वाढला आहे. सोमवार दिनांक 8 जुलै रोजी या स्टॉकमध्ये किंचित नफा वसुली झाली होती. आज मंगळवार दिनांक 9 जुलै 2024 रोजी येस बँक स्टॉक 1.60 टक्के वाढीसह 26.09 रुपये किमतीवर ट्रेड करत आहेत.
येस बँकेने 20 जुलै 2024 रोजी आपल्या संचालक मंडळाची बैठक आयोजित केली आहे. या बैठकीत बँकेचे संचालक जून तिमाहीच्या आर्थिक निकालाबाबत चर्चा करणार आहे. सेबीने जाहीर केलेल्या निवेदनात माहिती देण्यात आली आहे की, येस बँकेच्या सिक्युरिटीजमधील ट्रेडिंगसाठीची विंडो तिमाही निकाल प्रसिद्ध झाल्यानंतर येस बँक आणि तिच्या सहाय्यक कंपनीच्या नामनिर्देशित व्यक्तींसाठी 48 तासांपर्यंत बंद करण्यात येणार आहे. म्हणजेच निकाल प्रकाशित झाल्यानंतर 48 तासांपर्यंत या व्यक्तींना येस बँकेच्या सिक्युरिटीजमध्ये कोणतीही ट्रेडिंग करता येणार नाही.
येस बँकेने जून 2024 ला संपलेल्या पहिल्या तिमाहीत कर्ज आणि ऍडव्हान्समध्ये वर्ष-दर-वर्ष आधारावर 15 टक्के वाढ साध्य केली आहे. जून तिमाहीत बँकेचे कर्ज प्रमाण 2.29 लाख कोटी रुपये नोंदवले गेले आहे. मागील वर्षी हे प्रमाण 2 लाख कोटी रुपये होते. जून 2024 तिमाहीत येस बँकेच्या ठेवी वार्षिक आधारावर 21 टक्के वाढून 2.64 लाख कोटी रुपये नोंदवल्या गेल्या होत्या. मागील वर्षी हेच प्रमाण 2.19 लाख कोटी रुपये होते. जून तिमाहीत येस बँकेचे क्रेडिट-टू-डिपॉझिट गुणोत्तर 86.4 टक्के नोंदवले गेले आहे. जे मागील वर्षीच्या याच तिमाहीतील 91.3 टक्केवरून घसरून खाली आले आहे. एप्रिल-जून 2024 मध्ये येस बँकेचे तरलता कव्हरेज प्रमाण 137.8 टक्के नोंदवले गेले आहे.
येस बँकेने मार्च 2024 तिमाहीत 452 कोटी रुपये नफा कमावला होता. मागील वर्षीच्या तुलनेत येस बँकेच्या निव्वळ नफ्यात 123 टक्के वाढ नोंदवली गेली होती. येस बँकेचे निव्वळ व्याज मार्जिन म्हणजेच NIM 2.4 टक्के नोंदवले गेले आहे. एचडीएफसी सिक्युरिटीज फर्मच्या तज्ञांच्या मते, येस बँक स्टॉक 20 दिवस आणि 50 दिवसांच्या SMA मूव्हिंग सरासरी पातळीच्या वर ट्रेड करत आहे.
शेअर बाजारातील तज्ञांच्या मते, येस बँक स्टॉक पुढील काळात 31 रुपये किमतीवर जाऊ शकतो. तज्ञांनी हा स्टॉक खरेदी करताना 24 रुपये किमतीवर स्टॉपलॉस लावण्याचा सल्ला दिला आहे. येस बँकेचे एकूण बाजार भांडवल 80,940.01 कोटी रुपये आहे. YTD आधारावर येस बँक स्टॉकमध्ये 14.05 टक्के वाढ झाली आहे. मागील एका आठवड्यात येस बँक स्टॉक 7.32 टक्के मजबूत झाला होता. मागील सहा महिन्यांत येस बँक शेअरची किंमत 6.52 टक्के वाढली आहे. तर मागील एका वर्षात हा स्टॉक 47.97 टक्के मजबूत झाला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
