Gold Price Today | सोनं आणि चांदीचे दर आजही कोसळले, खरेदीपूर्वी लेटेस्ट दर तपासा

Gold Price Today | भारतीय वायदे बाजार आणि आंतरराष्ट्रीय बाजारात सोने-चांदीने आठवड्याची सुरुवात घसरणीसह केली आहे. आज (सोमवारी २८ नोव्हेंबर) रोजी मल्टी कमॉडिटी एक्सचेंजवर सोन्याच्या किमतीत सुरुवातीच्या व्यवहारात ०.२३ टक्क्यांची घसरण झाली आहे. त्याचबरोबर आज चांदीचा भावही वायदे बाजारात 0.40 टक्क्यांनी कमी व्यापार करत आहे. मागील व्यापार सत्रात सोने 0.25 टक्क्यांनी कमी आणि चांदीही 0.40 टक्क्यांनी कमी होऊन बंद झाली होती.

24 कॅरेट सोन्याचा भाव
सोमवारी वायदे बाजारात 24 कॅरेट सोन्याचा भाव सकाळी 9:05 पर्यंत 123 रुपयांनी कमी होऊन 52,421 रुपये प्रति 10 ग्रॅमवर ट्रेड करत होता. याआधीच्या ट्रेडिंग सेशनमध्ये म्हणजेच शुक्रवारी एमसीएक्सवर सोन्याचा भाव 131 रुपयांनी घसरून 52,540 रुपयांवर बंद झाला होता.

चांदीमध्येही घसरण
चांदीमध्येही आज मल्टी कमॉडिटी एक्सचेंजमध्ये घसरण पाहायला मिळत आहे. आज चांदीचा भाव 247 रुपयांनी घसरून 61,429 रुपये झाला आहे. याआधीच्या ट्रेडिंग सेशनमध्ये म्हणजेच शुक्रवारी चांदीचा दर 248 रुपयांनी घसरून 61,745 रुपयांवर बंद झाला.

गेल्या आठवड्यात सोने वाढले
गेल्या आठवड्यात भारतीय सराफा बाजारात सोन्याचे दर वाढले. सोन्याचे दर 254 रुपये प्रति 10 ग्रॅम आणि चांदीचे दर 1,387 रुपये प्रति किलोने वाढले होते. इंडिया बुलियन अँड ज्वेलर्स असोसिएशनच्या (आयबीजेए) वेबसाइटनुसार, गेल्या व्यावसायिक आठवड्याच्या सुरुवातीला (२१ ते २५ नोव्हेंबर) २४ कॅरेट सोन्याचा दर २१ नोव्हेंबर रोजी ५२,४०६ होता, जो शुक्रवारपर्यंत वाढून ५२,६६० रुपये प्रति १० ग्रॅम झाला. त्याचबरोबर 999 शुद्धतेच्या चांदीचा भाव 60,442 रुपयांवरून 61,829 रुपये प्रति किलो झाला.

आंतरराष्ट्रीय बाजारात सोने, चांदीची घसरण
आंतरराष्ट्रीय बाजारात आज सोन्या-चांदीचे दर घसरणीसह व्यापार करत आहेत. सोन्याचा स्पॉट भाव आज ०.२७ टक्क्यांनी घसरून १,७४९.६८ डॉलर प्रति औंस झाला आहे. त्याचबरोबर आंतरराष्ट्रीय बाजारात आज चांदीच्या दरात घसरण झाली आहे. चांदी आज ०.३४ टक्क्यांनी घसरून २१.०२ डॉलर प्रति औंसवर आहे. गेल्या एका महिन्यात सोन्याच्या भावात 7.47 टक्क्यांची वाढ झाली आहे. त्याचबरोबर चांदीच्या दरात एका महिन्यात 11 टक्क्यांची वाढ झाली आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Gold Price Today updates check details on 28 November 2022.