PaisaBazaar CIBIL Score | चुकीच्या पद्धतीने विमा पॉलिसी घेणाऱ्यांचा सिबिल स्कोअर आता बिघडू शकतो. बँका आणि इतर वित्तीय क्षेत्रांच्या धर्तीवर जनरल इन्शुरन्स क्षेत्रासाठी सिबिल स्कोअर लागू करण्याची सरकारची तयारी आहे. बनावट दाव्यांची वाढती प्रकरणे पाहता विमा कंपन्या बऱ्याच दिवसांपासून ही मागणी करत आहेत.
नुकतीच विमा कंपन्यांच्या प्रतिनिधींनी सरकारच्या वित्तीय सेवा विभागासोबत बैठक घेतली. वाहन आणि आयुर्मानासह अन्य विमा पॉलिसींसाठी सिबिल स्कोअर असलेले मॉडेल आणण्याबाबत चर्चा झाल्याचे सांगण्यात येत आहे. त्याच्या अंमलबजावणीमुळे विमा दाव्यांचा निपटारा होण्याबरोबरच कंपनीची कार्यक्षमताही वाढेल, असे कंपन्यांचे म्हणणे आहे. बनावट विमा दावे थांबविणे अत्यंत गरजेचे आहे, ज्याचा फायदा सर्वांनाच होईल.
नऊ हजार कोटींचे खोटे दावे
एका अहवालानुसार, वाहन आणि आरोग्य विम्यातील बनावट दाव्यांची प्रकरणे झपाट्याने वाढत आहेत. बनावट वाहन विम्याचा दावा करण्यासाठी ग्राहक आणि ऑटो सर्व्हिस सेंटर एकमेकांशी संगनमत करत आहेत. यामुळे विमा कंपन्यांचे मोठे नुकसान होत आहे. आकडेवारीनुसार एकट्या आरोग्य विम्यात नऊ हजार कोटी रुपयांचा बनावट पैसा जमा करण्यात आला आहे.
सिबिल स्कोअर म्हणजे काय?
सिबिल स्कोअरचा वापर सध्या बँकिंग क्षेत्रात केला जातो. ग्राहक वेळेत कर्जाची किती परतफेड करू शकतो हे सांगणारा हा स्केल आहे. कर्जाची परतफेड वेळेत केल्यास सिबिल स्कोअर चांगला मिळतो.
त्याचबरोबर कर्जाची परतफेड वेळेत न केल्यास किंवा ईएमआय भरण्यास उशीर झाल्यास सिबिल स्कोअर खराब होतो. हा स्कोअर सर्व बँका आणि वित्तीय संस्थांसोबत शेअर केला जातो. त्यामुळे संबंधित ग्राहकाला पुढील कर्ज देण्यास बँका टाळाटाळ करीत आहेत. ग्राहकाला त्रासाला सामोरे जावे लागते.
विमा क्षेत्रात ते कसे कार्य करते:
विमा पॉलिसी चुकीच्या पद्धतीने घेतल्याप्रकरणी संबंधित ग्राहकावर अद्याप कोणतीही मोठी कारवाई करण्यात आलेली नाही. या क्षेत्रात सिबिल स्कोअर लागू झाल्यास सर्व विमा कंपन्यांकडे त्या ग्राहकाचा संपूर्ण तपशील असेल. कंपनी त्या ग्राहकावर बंदीही घालू शकते. किंवा सखोल छाननी नंतर, उच्च प्रीमियम आणि कठोर अटींवर विमा जारी केला जाऊ शकतो.
किती प्रभावी स्कोअर:
सध्या बँकिंग क्षेत्रात ७५० ते ९०० सिबिल स्कोअर सर्वोत्तम मानले जातात. सिबिल स्कोअर ९०० इतका जास्त असेल तर बँकांना कर्ज देणे सोपे जाते. ३५० चा सिबिल स्कोअर खराब मानला जातो. हीच प्रणाली विमा क्षेत्रासाठी लागू होऊ शकते, असे मानले जात आहे.
Disclaimer : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
