शरद पवारांना मातोश्रीवर यावं लागलं अशी परिस्थिती नाही - संजय राऊत

मुंबई, ७ जुलै : शरद पवारांना मातोश्रीवर यावं लागलं अशी परिस्थिती नाही, अधूनमधून ते मुख्यमंत्र्यांना भेटत असतात. कोणत्याही प्रकारचे मतभेद सरकारमध्ये नाहीत. जशी बाहेर पावसाची रिपरिप सुरू आहे ना, तशी काही लोक बातम्यांची रिपरिप करत असतात. पवार साहेब भेटले पण इतर विषयांसाठी भेटले, अशी माहिती शिवसेनेचे खासदार संजय राऊत यांनी दिली आहे.

शरद पवार यांनी सोमवारी संध्याकाळी मातोश्रीवर जाऊन मुख्यमंत्री उद्धव ठाकरे यांच्याशी चर्चा केली होती.शरद पवार आणि उद्धव ठाकरे यांच्यातील या बैठकीला शिवसेना आणि राष्ट्रवादीतील सुप्त तणावाची पार्श्वभूमी होती, असंही म्हटलं जात आहे.

दुसरीकडे बाळासाहेब थोरात यांनी कोणताही वाद नसल्याचं म्हटलं आहे. “महाविकास आघाडीत कोणताही वाद सुरू असण्याचा प्रश्नच नाही. आमच्यामध्ये वाद व्हावेत म्हणून काही लोक वाट बघत आहेत. ते अशा प्रकारचा प्रचार करण्याचं काम करत आहे. पण, हा प्रसार सोडला तर कसलाही वाद नाही. महाविकास आघाडी मजबूत आहे आणि आम्ही सर्व एकत्र आहोत,” असं थोरात माध्यमांशी बोलताना म्हणाले.

शिक्षण मंत्र्यांसाठी वाहन खरेदीच्या प्रकरणावरही थोरात यांनी भाष्य केलं. “वाहन खरेदीची वृत्त पूर्ण माहितीच्या आधारावर देण्यात आलेलं नाही. सहा वाहने खरेदी करण्याचा प्रस्ताव होता. पण, एक वाहन खरेदीचाच प्रस्ताव मंजूर करण्यात आला आहे,” असं थोरात म्हणाले.

News English Summary: It is not the case that Sharad Pawar had to come to Matoshri, he meets the Chief Minister from time to time. There are no differences in government.

News English Title: It is not the case that Sharad Pawar had to come to Matoshri said MP Sanjay Raut News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.