मुंबई : नाणारवासियांचा रिफायनरी प्रकल्पाला तीव्र विरोध असल्याने कालच्या सभेत राज ठाकरे म्हणाले नाणार रिफायनरी कोकणात होणार नाही म्हणजे नाही आणि अखेर आज मनसे कार्यकर्त्यांनी मुंबईस्थित ताडदेव येथील नाणार प्रकल्पासाठी काम करणारं कार्यालय फोडलं.
मनसेच्या कामगार सेनेने नाणार प्रकल्पासाठी काम करणारं मुंबईस्थित ताडदेव येथील कार्यालय फोडलं. राज ठाकरे यांच्या इशाऱ्यानंतर मुंबईमधील ताडदेव येथील रिफायनरी अँड पेट्रो-केमिकल लिमिटेडच्या कार्यालयावर मनसैनिकांनी हल्ला चढवला.
काल मुलुंड मध्ये झालेल्या सभेत राज ठाकरे यांनी सत्ताधाऱ्यांना सज्जड दम भरत इशारा दिला होता की, नाणारवासियांचा रिफायनरी प्रकल्पाला तीव्र विरोध त्यामुळे हा प्रकल्प कोकणात होणार नाही म्हणजे नाही. कालच नाणारवासियांनी मनसे अध्यक्ष राज ठाकरे यांची त्यांच्या निवासस्थानी भेट घेतली होती आणि दुसऱ्याच दिवशी मनसैनिकांनी नाणार साठी काम पाहणाऱ्या रिफायनरी अँड पेट्रो-केमिकल लिमिटेडच्या कार्यालयावर मनसैनिकांनी हल्ला चढवला.
