मुंबई : देशभरात आगामी लोकसभा निवडणूकीचे वातावरण तापत चालले असून निवडणूकांची रणधुमाळी सुुरू आहे.यादरम्यानच मास्टर ब्लास्टर सचिन तेंडुलकरने एनसीपीचे राष्ट्रीय अध्यक्ष शरद पवार यांची भेट घेतली आहे. त्यामुळे राजकीय चर्चाना जोरदार उधाण आले आहे. तब्बल ३० मिनिटं दोघांमध्ये सविस्तर चर्चा सुरु होती. असं असलं तरी दोघांच्या भेटीचं कारण अजून समोर आले आहे.
सचिन तेंडुलकर -शरद पवार यांची भेट पूर्वनियोजित असल्याची माहिती आहे. शरद पवारांची भेट घेण्यासाठी सचिन तेंडुलकर त्यांच्या निवासस्थानी पोहोचला. जवळपास १०.४५ ते ११.१५ एकूण अशी अर्धा तास चर्चा दोघांमध्ये सुरू होती. खासगी कारणांसाठी ही भेट घेतली असल्याचं सांगीतले जात आसले तरी क्रिकेटचा देव सचिन तेंडुलकर आणि राजकारणातले देव राष्ट्रवादी कॉंग्रेसचे सर्वेसर्वा शरद पवार यांच्या भेटीमागे काही राजकीय कारण तर नाही ना अशी शंका व्यक्त केली जात आहे.
