26 July 2021 12:56 AM
अँप डाउनलोड
बातम्या फ्लॅश
Special Recipe | विदर्भातील झणझणीत सावजी अंडा शेरवा बनवा घरच्याघरी - वाचा रेसिपी Sarkari Naukri | SBI बँकेत 6100 पदांसाठी बंपर भरती | मराठी तरुणांना मोठी संधी - त्वरा करा जळगावमध्ये मोठं राजकीय नुकसान झाल्यानंतर मनसेची पुन्हा शाखा आणि पक्षविस्ताराला सुरुवात Sarkari Naukri | आयकर विभाग, मुंबईत 155 पदांची भरती | १० शिक्षण | पगार ५६ हजार कर्नाटकचे मुख्यमंत्री येडियुरप्पा यांचे पायउतार होण्याचे संकेत | संध्याकाळपर्यंत घोषणा तुम्हाला तुमच्या पायावर उभं करण्याची जबाबदारी सरकारची आहे | मुख्यमंत्र्यांचं चिपळूणमधील व्यापाऱ्यांना आश्वासन Special Recipe | तर्री वाल जत्रे प्रमाणे झणझणीत मटण घरच्याघरी बनवा - वाचा रेसिपी
x

व्यवस्थित नियोजन करून मुंबई बंद केली तर? - पंकजा मुंडे

Mumbai Lock Down, News Latest Updates, Pankaja Munde

मुंबई, १७ मार्च: कोरोना व्हायरसच्या संसर्गजन्य विषाणूचा प्रादुर्भाव आणखी वाढू नये, यासाठी आपल्यासाठी पुढील १५ दिवस अत्यंत महत्त्वाचे आहेत. आपण सध्या कोरोना व्हायरसच्या फेज २ मध्ये असून फेज ३ मध्ये जाऊ नये, यासाठी आपल्याला काळजी घ्यायची असल्याचं आरोग्यमंत्री राजेश टोपे यांनी मंगळवारी सांगितले. खासगी क्षेत्रात शटडाऊन गरजेचं आहे. अत्याआवश्यक सेवा वगळून ‘वर्क फ्रॉम होम’वर जवळपास सर्व कंपन्यानी सहमती दर्शवली आहे. तसेच राज्यातील सार्वजनिक वाहतूक आणि मुंबईत लोकल, मेट्रो ट्रेन बंद करायच्या की नाही, याबाबत मुख्यमंत्री निर्णय घेतील, असं आरोग्यमंत्र्यांनी माहिती दिली.

BhagyaVivah Marathi Matrimonial

करोना व्हायरसचा वाढता प्रादुर्भाव रोखण्यासाठी राज्य सरकारकडून वेगवेगळी पावले उचलण्यात येत आहेत. गर्दीमुळे हा व्हायरस अधिक पसरण्याची शक्यता असल्यामुळे गर्दी अजून कशी कमी करता येईल यावर राज्य सरकारचा भर आहे.

आज याच प्रयत्नांचा एक भाग म्हणून राज्य सरकार आणि खासगी कंपन्यांमध्ये चर्चा झाली. लार्सन अँड टुब्रो, रिलायन्स इंडस्ट्रीज, औषध आणि मनोरंजन क्षेत्रातील कंपन्यांचे प्रतिनिधी या बैठकीला उपस्थित होते. जवळपास २५ कंपन्यांचे प्रमुख अधिकारी या बैठकीला उपस्थित होते. यावेळी राज्य सरकारकडून जास्तीत जास्त कर्मचाऱ्यांना घरातून काम करण्याची परवानी द्या, असा प्रस्ताव या कंपन्यांसमोर ठेवण्यात आला. त्यावेळी अनेक कंपन्यांनी वर्क फ्रॉम होमच्या प्रस्तावाला सकारात्मक प्रतिसाद दिला अशी माहिती आरोग्य मंत्री राजेश टोपे यांनी पत्रकार परिषदेत दिली.

दरम्यान, ‘करोना’चा फैलाव वाढत असल्यानं व महाराष्ट्रात पहिला बळी गेल्याचं समोर आल्यानं चिंता वाढली आहे. ‘करोना’चा सामना करण्यासाठी राज्य सरकार युद्धपातळीवर प्रयत्न करत असताना माजी मंत्री व भाजप नेत्या पंकजा मुंडे यांनी सरकारला एक महत्त्वाचा सल्ला दिला आहे. ‘काही दिवस मुंबई नियोजनपूर्वक बंद केली तर…? कदाचित संकट टळेल,’ असं मत पंकजांनी मांडलं आहे.

ट्विटरच्या माध्यमातून पंकजांनी ‘करोना’च्या फैलावाबद्दल चिंता व्यक्त करतानाच काही उपायही सुचवले आहेत. ‘व्यवस्थित नियोजन करून मुंबई बंद केली तर कदाचित करोनाच्या संकटाचा सामना करता येऊ शकतो. आधीच कल्पना दिल्यास लोक आवश्यक त्या गोष्टींचा साठा घरी करून ठेवू शकतील. मुंबईतील लोकल ट्रेन सात दिवस बंद राहिल्या तर लाखो लोकांना ‘करोना’च्या विषाणूपासून दूर ठेवता येऊ शकते. दुकानं केवळ अति महत्त्वाच्या खरेदीसाठी उघडी ठेवण्यास परवानगी द्यावी. कुठल्याही प्रकारच्या विंडो शॉपिंगला परवानगी देऊ नये. असा काही प्रयत्न करून पाहिल्यास त्याचा फायदा होऊ शकतो, असं पंकजांनी ट्विटमध्ये म्हटलं आहे.

 

News English Summery:  Concerns have been raised as the spread of ‘Corona’ and the first victim in Maharashtra came to light. Former minister and BJP leader Pankaja Munde has given an important advice to the government while the state government is working on the battlefield to deal with ‘Karona’. ‘If Mumbai is planned to be closed for a few days …? Perhaps the crisis will be averted, ‘Pankaj opined. Through Twitter, Pankaj has also suggested some measures while expressing concern over the spread of ‘Corona’. ‘If you close Mumbai with proper planning, it may be possible to deal with the problem of Corona. If already given ideas, people can stock up on what they need. If local trains in Mumbai are closed for seven days, millions can be kept away from the ‘Corona’ virus. Shops should only be allowed to open for very important purchases. No type of window shopping should be allowed. Pankaj Munde said in a tweet that such efforts could be beneficial.

 

News English Title:  Story could Mumbai Lock down help BJP Leader Pankaja Munde tweet her opinion News Latest Updates.

हॅशटॅग्स

#Pankaja Munde(68)

संबंधित बातम्या

राहुन गेलेल्या बातम्या

x