मनसे अध्यक्ष राज ठाकरेंकडून स्वातंत्र्यवीर सावरकरांना अभिवादन

मुंबई: विधिमंडळाच्या अर्थसंकल्पीय अधिवेशनाचा आज तिसरा दिवस आहे. स्वातंत्र्यवीर सावरकरांच्या पुण्यतिथीचं औचित्य साधून भाजपनं आज विधानसभा अध्यक्षांकडं सावरकरांचा गौरवपर प्रस्ताव दिला आहे. महाविकास आघाडी सरकारमधील पक्षांमध्ये सावरकारांविषयी मतभेद आहेत. त्यामुळं गौरवपर प्रस्तावावरून त्यांना कोंडीत पकडण्याची रणनीती भाजपनं आखल्याचं समजतं.

महाराष्ट्र नवनिर्माण सेनेचे अध्यक्ष राज ठाकरे यांनी देखील ट्विटरच्या माध्यमातून स्वातंत्र्यवीर सावरकरांना आदरांजली वाहिली आहे. राज ठाकरे यांनी ट्विट मध्ये म्हटलं आहे की, “क्रांतिकारकांचे सेनापती, हिंदू राष्ट्रवादाची मांडणी करणारे तत्वज्ञ, विज्ञानिष्ठ, ज्वलंत साहित्यिक, क्रियाशील समाजसुधारक, स्वातंत्र्यवीर विनायक दामोदर सावरकरांची आज पुण्यतिथी. त्यांच्या स्मृतीस महाराष्ट्र नवनिर्माण सेनेचं विनम्र अभिवादन.

क्रांतिकारकांचे सेनापती, हिंदू राष्ट्रवादाची मांडणी करणारे तत्वज्ञ, विज्ञानिष्ठ, ज्वलंत साहित्यिक, क्रियाशील समाजसुधारक, स्वातंत्र्यवीर विनायक दामोदर सावरकरांची आज पुण्यतिथी. त्यांच्या स्मृतीस महाराष्ट्र नवनिर्माण सेनेचं विनम्र अभिवादन. pic.twitter.com/CmSKh9AV2A

— Raj Thackeray (@RajThackeray) February 26, 2020

तत्पूर्वी काँग्रेस प्रदेशाध्यक्ष आणि महसूल मंत्री बाळासाहेब थोरात यांनी स्वातंत्र्यवीर सावरकरांच्या प्रतिमेला अभिवादन करुन आदरांजली वाहिली. भाजप नेते आशिष शेलार यांच्या विनंतीनंतर विधीमंडळात ठेवलेल्या सावरकरांच्या प्रतिमेवर थोरातांनी पुष्पांजली वाहिली. स्वातंत्र्यवीर सावरकारांच्या पुण्यतिथीनिमित्त ठिकठिकाणी त्यांना श्रद्धांजली अर्पण केली जात आहे.

दरम्यान, या पार्श्वभूमीवर विधानसभेच्या कामकाजासाठी जाताना अजित पवार यांनी माध्यमांकडं आपली भूमिका स्पष्ट केली. ‘चांगल्या व्यक्तीच्या संदर्भात एखादी चर्चा येणार असेल तर कुणाला आक्षेप असण्याची हरकत नाही. गेल्या ३० वर्षांत मी अनेकदा अशा चर्चांमध्ये भाग घेतला आहे. सावरकरांचं योगदान कुणालाही नाकारता येणार नाही. हयात नसलेल्या व्यक्तींबद्दल अनावश्यक विधानं करून गैरसमज पसरवण्याचं काही कारण नाही,’ असं अजित पवार म्हणाले.

News English Summery: Maharashtra Navnirman Sena Chairman Raj Thackeray also paid tribute to freedom fighter Savarkar via Twitter. Raj Thackeray said in a tweet, “Today’s death anniversary of the Army Chief of the Revolutionaries, philosophers, scientists, vivid literate, activist social reformers, activist social reformers, freedom fighter Vinayak Damodar Savarkar.

Web Title: Story MNS chief Raj Thackeray pays tribute ti Swatantraveer Savarkar.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.