HDFC Mutual Fund | पगारदारांसाठी खास योजना, महिना 3500 रुपयांची SIP देईल 5 कोटी रुपये परतावा - HDFC NetBanking

HDFC Mutual Fund | सध्या गुंतवणुकीच्या बाबतीत म्युच्युअल फडांतील सर्व टेन्शन दूर करणारा एक पर्याय आहे, तो म्हणजे बॅलन्स्ड अ‍ॅडव्हान्टेज फंड (BAF). बॅलन्स्ड अ‍ॅडव्हान्टेज फंडाला ऑल सीझन फंड असेही म्हणतात. हा म्युच्युअल फंडांचा पर्याय आहे, ज्याद्वारे इक्विटी आणि डेट या दोन्हींमध्ये पैसे गुंतवले जातात. बाजारात बीएएफ देखील आहेत, जे 30 वर्षांपासून वार्षिक 19.36% दराने परतावा देत आहेत. त्यापैकीच एक म्हणजे एचडीएफसी बॅलन्स्ड अ‍ॅडव्हान्टेज फंड.

BAFs – फंड कसा कार्य करतो
बाजाराचा मूड, व्याजदर आणि आर्थिक दृष्टीकोन यांच्या आधारे इक्विटी आणि डेट मध्ये तुमचे पैसे रिबॅलन्स केले जातात अशी सुविधा यात आहे. जर इक्विटी तेजीत असेल तर ही योजना डेट एक्सपोजर कमी करते आणि इक्विटीमध्ये एक्सपोजर वाढवते. त्याचवेळी जेव्हा इक्विटी घसरते तेव्हा फंड मॅनेजर इक्विटी कमी करून डेट एक्सपोजर वाढवतो. ज्यामुळे या फंडांमुळे गुंतवणूकदारांसाठी बाजारातील जोखीम कमी होते.

HDFC Balanced Advantage Fund
एचडीएफसी बॅलन्स्ड अ‍ॅडव्हान्टेज फंड ही ३० वर्षांहून अधिक जुनी योजना आहे. त्याचा 30 वर्षांचा एसआयपी डेटा व्हॅल्यू रिसर्चवर उपलब्ध आहे. 30 वर्षांत या फंडाने एसआयपी असणाऱ्यांना वार्षिक 19.36 टक्के परतावा दिला आहे. या अर्थाने जर या फंडातील एखाद्याची मासिक एसआयपी 3500 रुपये असेल तर तो आता 5 कोटी रुपयांचा मालक असेल.

* 30 वर्षांचा वार्षिक SIP परतावा: 19.36%
* मासिक SIP रक्कम: 3500 रुपये
* ऍडव्हान्स गुंतवणूक : 10,000 रुपये
* 30 वर्षातील एकूण गुंतवणूक : 12,70,000 रुपये
* 30 वर्षात SIP चे एकूण मूल्य : 5,00,75,985 रुपये

एकरकमी गुंतवणुकीवरही जास्त परतावा
एचडीएफसी बॅलन्स्ड अ‍ॅडव्हान्टेज फंड फेब्रुवारी 1994 मध्ये सुरू करण्यात आला. म्हणजेच हा फंड सुरू होऊन 30 वर्षांहून अधिक काळ लोटला आहे. लाँच झाल्यापासून फंडाने एकरकमी गुंतवणुकीवर 18.60 टक्के वार्षिक परतावा दिला आहे. या परताव्याचा विचार 30 वर्षांत केल्यास एकाच वेळी 50 हजार रुपयांची गुंतवणूक करणाऱ्यांचे पैसे 98,99,092 रुपये झाले. म्हणजे सुमारे 200 पट परतावा. 30 सप्टेंबर 2024 पर्यंत या फंडाची एकूण मालमत्ता 96,536 कोटी रुपये होती आणि खर्चाचे प्रमाण 1.36 टक्के होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Latest Marathi News | HDFC Mutual Fund 16 October 2024 Marathi News.