SBI Mutual Fund | एसबीआय म्युच्युअल फंडाच्या एका योजनेने जबरदस्त परतावा दिला आहे. ही योजना एसबीआय स्मॉल कॅप फंड आहे. 9 सप्टेंबर 2009 रोजी लाँच करण्यात आले होते आणि आता त्याला 14 वर्षे पूर्ण झाली आहेत. जर एखाद्या व्यक्तीने ही योजना सुरू झाल्यापासून दरमहा 5000 रुपयांची गुंतवणूक केली असेल तर ती रक्कम आता 49.44 लाख रुपये झाली असती. या १४ वर्षांत एसबीआय स्मॉल कॅप फंडात दरमहा ५००० रुपये दराने एकूण ८.४० लाख रुपयांची गुंतवणूक झाली असती.
एसबीआय स्मॉल कॅप फंड SIP वर 49.44 लाख रुपये परतावा मिळाला
एसबीआय स्मॉल कॅप फंडात SIP मार्फत एकूण 8,40,000 रुपयांची गुंतवणूक करणाऱ्यांना या योजनेतून 49.44 लाख रुपये परतावा मिळाला आहे. म्हणजेच तुम्हाला थेट 41.04 लाख रुपयांचा फायदा मिळाला असता. एसबीआय स्मॉल कॅप फंडाने सिस्टिमॅटिक इन्व्हेस्टमेंट प्लॅन (एसआयपी किंवा दरमहा ठराविक रक्कम गुंतविणे) द्वारे २२.८५ टक्के सीएजीआरवर परतावा दिला आहे. नोव्हेंबर २०१३ पासून या फंडाचे व्यवस्थापन मुख्य गुंतवणूक अधिकारी-इक्विटी आर. श्रीनिवासन करीत आहेत.
एकरकमी 10 लाख रुपयांची गुंतवणुकीवर मिळाला 1.37 कोटी रुपये परतावा
जर एखाद्या व्यक्तीने योजनेच्या एनएफओ (न्यू फंड ऑफर) दरम्यान एकरकमी 10 लाख रुपयांची गुंतवणूक केली असेल तर ती रक्कम आता सुमारे 1.37 कोटी रुपये झाली असती. एसबीआय स्मॉल कॅप फंडाची व्यवस्थापनाखालील मालमत्ता (एयूएम) 20,000 कोटी रुपयांवर पोहोचली आहे. एसबीआयची ही योजना उद्योगातील सर्वात जुन्या स्मॉल कॅप फंडांपैकी एक आहे. या योजनेअंतर्गत 65 टक्के मालमत्ता स्मॉल कॅप शेअर्समध्ये गुंतवली जाते.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
